Si të parandalojmë rezorbimin kockor: teknikat ESP

Nga Alessandra Abbà

Avulsioni i dhëmbit provokon një rezorbim të kockës alveolare qoftë në drejtim vertikal qoftë në drejtim horizontal, me një rimodelim volumetrik spontan të indeve të forta dhe të buta. Ky shërim i pafavorshëm mund të sjellë edhe vështirësi të fundit në restaurime duke kompromentuar rezultatin estetik.
Për të parandaluar procesin e rezorbimit kockor janë sugjeruar teknika të ndryshme kirurgjikale. Një nga këto është procedura e konservimit e alveolës post-ekstraktive (ESP) me përdorimin e membranave dhe materialeve të graftit të përdorur vetëm ose të kombinuar. Përdorimi vetëm i membranës në teknikën ESP synon përjashtimin e indeve të buta nga plaga duke lejuar të vetmet qeliza osteogjenike të kolonizojnë defektin kockor. Nga ana tjetër materialet e graftit mund të ofrojnë një mbështetje mekanike ndaj membranës gjatë shërimit.

Tipologjia e kërkimit dhe modaliteti i analizës
Qëllimi i studimit të kontrolluar të randomizuar që Guarneri et al. kanë publikuar në Journal of Oral & Maxillofacial Research ishte ai i krahasimit dhe vlerësimit të rezultateve klinike të tre teknikave kirurgjikale të ndryshme.
30 pacientë kanë kryer një ekstraksion të një dhëmbi të vetëm në zonat premolare ose molare. Pjesët post-ekstraktive janë trajtuar me procedurat vijuese, sipas një shpërndarjeje rastësore:
- Grupi M, ESP vetëm membranë kolagjeni (10 pjesë);
- Grupi GM, ESP me mebranë kolagjeni që lidhet me graftin e kockës së gjedhit (10 pjesë);
- Grupi S, shërimi natyral (10 pjesë).
Përmasat e kreshtës alveolare janë matur menjëherë pas ekstraksionit të dhëmbit dhe pas 3 muajsh.

Rezultate
- Grupi M: humbje kockore -0,55 (SD 0,11) mm dhe horizontale -1,21 (SD 0,69) mm.
- Grupi GM: humbje kockore vertikale -0,37 (SD 0,7) mm dhe horizontale -0,91 (SD 0,53) mm.
- Grupi S: humbje kockore vertikale -2,09 (SD 0,19) mm dhe horizontale -3,96 (SD 0,87) mm. Variacionet kockore vertikale dhe horizontale të pjesës post-ektraktive të grupit M dhe grupit GM ishin në mënyrë të konsiderueshme më të ulëta (P <0,001) në krahasim me ato të grupit S.

Konkluzione
Një parandalim i plotë i rimodelimit kockor nuk është i mundur, veçanërisht në pjesën vestibulare, pavarësisht teknikës së përdorur. Megjithatë, disa procedura (si ruajtja e alveolës vetëm me membranë ose bashkë me materialet e graftit) mund të ndihmojnë në kompensimin e rezorbimit në kreshtën alveolare në krahasim me shërimin natyral.

Për më shumë informacione:
Guarnieri R, Stefanelli L, De Angelis F, Mencio F, Pompa G, Di Carlo S. Extraction socket preservation using porcine-derived collagen membrane alone or associated with porcine-derived bone. Clinical results of randomized controlled study. J Oral Maxillofac Res 2017 Jul-Sep;8(3):e5.

Përktheu: Valbona Spahia