Autotransplanti dentar: vlerësimi i mbijetesës afatgjatë

Nga Lara Figini

Transplanti i një dhëmbi nga një pjesë në tjetrën te i njëjti pacient, i quajtur autotransplant, paraqet sot një teknikë të dokumentuar mirë që duhet të konsiderohet si alternativë terapeutike e vlefshme ndaj rehabilitimit implantar ose konvencional.
Variablat që i përkasin kësaj procedure (përveç karakteristikave të pjesës dhuruese dhe të dhëmbit që do transplantohet) janë:
- pjesa pritëse (alveola ekstraktive "e freskët", alveola ekstraktive "e vonuar" ose alveola artificiale);
- zhvillimi i rrënjës së dhëmbit të transplantuar.

Këto variabla influencojnë fazat klinike të procedurës dhe parashikueshmërisë së bashku me komplikacionet e mundshme.
Ndërmjet avantazheve të teknikës së autotransplantit janë për shembull përdorimi i një "elementi dentar autolog", ruajtja e trofizmit indor, restaurimi estetik dhe funksional i menjëhershëm apo reduktimi i kostove në lidhje me një zgjidhje implantare. Edhe pse autotransplanti shpesh kryhet me dhëmbë imaturë, edhe dhëmbët maturë, me apekse plotësisht të formuara mund të përdoren si dhurues.

Tipologjia e kërkimit dhe modaliteti i analizës
Në një studim italian të fundit, të publikuar në Journal of Dentistry në maj 2020, autorët kanë analizuar rastet e autotransplantit të dhëmbëve maturë të kryer te 21 pacientë dhe kanë vlerësuar mbijetesën dhe normën e suksesit.
Janë marrë në konsideratë dhe janë ekzaminuar kartelat klinike të pacientëve që i janë nënshtruar autotransplantit në një qendër të specializuar në Rimini (Itali) nga 2005 deri në 2011.
Janë marrë në konsideratë vetëm transplantet e molarëve dhurues maturë. Pacientët janë thërritur pas një peirudhe për të vlerësuar normat e mbijetesës dhe të suksesit.

Rezultate
Mosha mesatare e pacientëve që i janë nënshtruar autotransplantit ka qenë 33,6±7,4. Follow-up mesatar ka qenë 11,9 vite±1,9. Norma e suksesit në momentin e vizitës së fundit ka rezultuar të jetë me 80% dhe mbijetesa me 95% në rastet e analizuara.

Konkluzione
Nga të dhënat e nxjerra nga ky studim, që duhet të konfirmohen me punime të tjera analoge, mund të dalim në përfundimin se teknika e autotransplantit është e besueshme por duhet të kryhet sipas indikacioneve rigoroze dhe protokolleve veçanërisht nëse përdoren dhëmbë maturë si dhurues.

Implikime klinike
Të dhënat e këtij studimi, duke ju referuar normës së mbijetesës dhe suksesit pas një periudhe të autotransplantit, janë plotësisht në përputhje me literaturën më të fundit dhe këtë e konfirmojnë të dhënat.

Për më shumë informacione:
Boschini L, Melillo M, Berton F. Long term survival of mature autotransplanted teeth: a retrospective single center analysis. J Dent 2020;98(7):103371.

Përktheu: Valbona Spahia