Plazma e pasur me trombocite si zgjidhje për osteonekrozën

Nga Alessandra Abbà

Bisfosfonatet janë përdorur gjerësisht për trajtimin e anomalive të metabolizmit kockor, për shembull të osteoporozës. Përdorimi i tyre i vazhdueshëm çon në një inhibim të fortë të aktivitetit të osteoklasteve dhe prandaj është i mundur një efekt anësor i lidhur me të që është osteonekroza e nofullës (BRONJ).
Kjo gjendje konsiston në ekspozimin e kockës së maksilës ose mandibulës dhe mungesën e shërimit të plagës. Verifikimi i BRONJ varet veçanërisht nga tipi, kohëzgjatja dhe forma e administrimit të bisfosfonateve. Mënyra e menaxhimit të trajtimit të kësaj patologjie është ende një argument debati në literaturë dhe nuk është vendosur ende një protokoll i parashikueshëm për t'u zbatuar në këto raste.
Për zgjidhjen e BRONJ është propozuar një shumëllojshmëri opsionesh të trajtimit kirurgjikal dhe jo kirurgjikal, për shembull debridement i zonës së prekur së bashku me aplikimin e produkteve të gjakut të pasur me trombocite. Plazma e pasur me trombocite (PRP) dhe fibrina e pasur me trombocite (PRF) janë faktorë të rritjes autologe që ndihmojnë shërimin e shpejtë të plagëve duke promovuar strukturat vaskulare.
Studimi i tanishëm i publikuar në Brazilian Oral Research, synon analizimin e përdorimit të plazmës së pasur me trombocite (PRP) në pjesët e ekstraksioneve dentare te minjtë e trajtuar me bisfosfonate duke përdorur analizat radiografike, mikroskopike dhe imunohistokimike.

Tipologjia e kërkimit dhe modaliteti i analizës
Osteonekroza e nofullës nga bisfosfonatet (BRONJ) është induktuar në tridhjetë minj meshkuj nëpërmjet administrimit të 0,035 mg/kg të acidit zoledronik në rrugë intravenoze për 8 javë, të ndara në katër administrime dhe me ekstraksionet pasuese të incizivëve qendrorë. Kampioni është ndarë në dy grupe si në vijim: G1) rezeksion në zonën e prekur nga BRONJ i ndjekur nga aplikimi lokal i PRP; G2) rezeksioni në zonën e prekur nga BRONJ por pa përdorimin e PRP.
Vlerësimi është kryer pas 14, 28 dhe 42 ditësh.

Rezultate
Janë kryer analizat klinike, mikrotomografike, mikroskopike dhe imunohistokimike (IHC). Analiza histomorfometrike ka treguar një formim kockor paksa të madh (rezultat statistikisht i parëndësishëm) në grupin që ka marrë PRP, përsa i përket strukturës kockore.
Ekzaminimi mikroskopik ka ofruar një hetim të detajuar të procesit të riparimit që ka zbuluar një formim të rëndësishëm të kockës së re në krahasim me grupin pa PRP me G1 që paraqet një vaskularizim më të madh dhe një shprehje të VEGF pak më të lartë (rezultatet e regjistruara në ditët 28 dhe 42). Norma e rimodelimit kockor ka rezultuar në normën e parametrave imunohistokimikë, siç tregohet nga ekuilibri në raportin RANKL: OPG.

Konkluzione
Të dhënat e regjistruara nga analizat indikojnë se përdorimi i PRP përmirëson procesin e zgjidhjes së BRONJ. Grupi eksperimental (G1) që ka marrë trajtimin me PRP ka paraqitur një shërim kockor më të mirë në krahasim me grupin e kontrollit (G2).

Për më shumë informacione:
Lopes Cardoso C, Curra C, Curi MM, Matsumoto MA, Argentino CD, de Oliveira Braga Franzolin S, Constantino D, Barbosa DN, Ferreira O Júnior. Treatment of bisphosphonate-related osteonecrosis using platelet-rich plasma: microtomographic, microscopic, and immunohistochemical analyses. Braz Oral Res 2019 Jul 1;33:e050.

Përktheu: Valbona Spahia