Si të cementojmë qeramikat CAD-CAM në poltron

Nga Lorenzo Breschi

Në vitet e fundit përdorimi i qeramikave CAD-CAM në poltron është shtuar me shpejtësi. Zgjedhja e materialeve përfshin silikatin e litiumit të përforcuar me zirkon (VS), qeramikat e infiltruar me polimer (VE) dhe rezinat nanoqeramike (GC).
Duke marrë në konsideratë shumëllojshmërinë e madhe të cementeve dhe protokolleve të cementimit,duhet të kryhet një vlerësim i forcës së lidhjes së materialeve të ndryshme për restaurimet në poltron me dizajn të drejtuar nga kompjuteri dhe computer-aided manufacturing (CAD-CAM) në dentinë me cemente të ndryshme rezinoze.

Tipologjia e kërkimit dhe modaliteti i analizës
Studimi i kryer nga Seda Ustun et al. dhe i publikuar në Journal of Prosthetic Dentistry ka studiuar forcën e lidhjes in vitro të materialeve të ndryshme CAD-CAM të cementuara me cemente të ndryshme rezinoze përpara dhe pas vjetërimit.
Sipërfaqja okluzale e 63 molarëve me përmasa të ngjashme është rrafshuar dhe janë marrë kampione me 2,5 mm trashësi nga materiale të ndryshme (21 për grup): silikati i litiumit i përforcuar me zirkon (Vita Suprinity-VS), qeramika e infiltruar me polimer (Vita Enamic-VE) dhe rezina nanoqeramike (GC Cerasmart-GC).
Kampionet janë ndarë në 3 nëngrupe (n = 7) dhe janë cementuar duke përdorur sistemet e cementimit Total Etch (TE), Self-Etch (SE) dhe Self Adhesive (SA). Dhëmbët janë ndarë në seksione gjatë aksit vertikal në dy pjesë të barabarta dhe gjysma e këtyre kampioneve i është nënshtruar 5000 termocikleve.
Mbi të gjithë kampionet është kryer Shear Bond Strength dhe sipërfaqet e frakturuara të qeramikës janë ekzaminuar nëpërmjet analizës mikroskopike me skanim elekronik/spektroskopi me rreze X (SEM/EDX). Të dhënat e Shear Bond strength janë analizuar me testin e Shapiro-Wilk, analiza e variacioni me 3 rrugë (ANOVA) dhe testi LSD i Fisher (a = .05).

Rezultate
Nga të dhënat e grumbulluara, autori ka treguar që vlerat më të larta të forcës së lidhjes janë regjistruar për grupin VS-TE pa vjetrim termal, ndërsa vlera më e ulët është gjetur në grupin VE-TE me vjetrim termal.
Ndërveprime të rëndësishme janë gjetur ndërmjet qeramikave të cementuara me TE dhe SE (P <.001). Vjetrimi termal ka ulur në mënyrë të konsiderueshme forcën e lidhjes mesatare (P <.05).

Konkluzione
Autorët duke u bazuar në të dhënat e grumbulluara nga studimi i tyre in vitro kanë dalë në konkluzionin se: sistemet TE ose SA mund të rekomandohen për restaurime me qeramika VS; është e rekomandueshme që të kryhet cementimi i qeramikave GC dhe VE me sisteme SE; procesi i vjetrimit termal redukton në mënyrë të konsiderueshme vlerat e forcës së lidhjes për të gjitha qeramikat, pavarësisht nga cementi i përdorur.
Sistemet e cementimit Total-Etch dhe Self-Adhesive mund të rekomandohen për restaurimet në Vita Suprinity. Për cementimin e restaurimeve në GC Cerasmart ose Vita Enamic, zgjedhja e cementeve Self-Etch duket se është avatazhuese.

Për më shumë informacione:
Ustun S, Ayaz EA. Effect of different cement systems and aging on the bond strength of chairside CAD-CAM ceramics. J Prosthet Dent 2020 Feb 28. pii:S0022-3913(20)30001-9. doi: 10.1016/j.prosdent.2019.11.025. [Epub ahead of print] PubMed PMID: 32122650.

Përktheu: Valbona Spahia