Parandalimi është terapi dhe fillon me jetën

Kontrolli i patologjive oralo-stomatologjike para dhe gjatë shtatzënisë përmirëson cilësinë e jetës së gruas, ul incidencën e patologjive orale te fëmija dhe përmirëson shëndetin...

Kontrolli i patologjive oralo-stomatologjike para dhe gjatë shtatzënisë përmirëson cilësinë e jetës së gruas, ul incidencën e patologjive orale te fëmija dhe përmirëson shëndetin oral gjatë rritjes së fëmijës së palindur.

Shtatzënia është një periudhë e rëndësishme për t'u përgatitur për një të ardhme të shëndetshme mjedisore dhe është e nevojshme qasja motivuese, efektive në ndryshimin e stilit të jetesës për të ruajtur shëndetin e kavitetit oral.
Nëna e ardhshme zakonisht është shumë e gatshme për të dëgjuar treguesit e rrezikut që ndikojnë te shëndeti i fëmijës, të tillë si: zakonet e gabuara të ushqyerjes dhe kujdesi i ulët ndaj higjienës së shtëpisë.

Formimi i mikrobiotës orale ndodh në një mijë ditët e para të jetës. Pasi të formohet mikrobiota, ajo nuk mund të ndryshohet më dhe faktorë të shumtë të jashtëm mund ta modifikojnë atë. Prandaj, 1000 ditët e para të jetës janë të rëndësishme për të ndërtuar shëndetin e së ardhmes. Në këto 1000 ditë, ndërtohen mikrobiota, sistemi imunitar dhe adaptoma (mikrobiota e adaptueshme).

Ndryshimet komplekse fiziologjike të një gruaje shtatzënë mund të ndikojnë në shëndetin e saj oral dhe të rrezikojnë atë të fëmijës së saj të palindur. Ruajtja e kushteve optimale të kavitetit oral të gruas është e rëndësishme për rezultat më të mirë të shtatzënisë dhe për promovimin e shëndetit oral të fëmijës së palindur. Evidenca shkencore kanë hedhur hipoteza mbi një lidhje ndërmjet infeksioneve orale të nënës dhe rezultateve të pafavorshme të shtatzënisë, siç është lidhja ndërmjet pranisë dhe ashpërsisë së infeksioneve të mishrave të dhëmbëve dhe lindjes së parakohshme, vonesës së rritjes së fetusit, abortit spontan, preeklampsisë.

Roli i këtyre infeksioneve, si faktor rreziku i mundshëm, apo si shkaktar i rezultateve të pafavorshme të shtatzënisë nuk është konfirmuar gjithmonë, por është demonstruar mundësia e transmetimit vertikal nga nëna te fëmija i baktereve që shkaktojnë procesin e kariesit. Kontrolli i patologjive orale para dhe gjatë shtatzënisë përmirëson cilësinë e jetës së gruas, ul incidencën e patologjive orale te fëmija dhe ka potencial për të promovuar një shëndet më të mirë oral, edhe gjatë rritjes të fëmijës së palindur.
Gjatë periudhës prenatale, informacioni dhe kujdesi ndërdisiplinor i stomatologëve, higjienistëve dentarë, mjekëve të përgjithshëm, gjinekologëve, obstetërve dhe neonatologëve, kanë një ndikim të rëndësishëm në kujdesin shëndetësor.

Është e nevojshme që operatorët shëndetësorë të promovojnë "Rekomandimet për promovimin e shëndetit oral në moshën perinatale", të publikuara nga ministria e Shëndetësisë, të cilat përmbajnë indikacione për përmirësimin e shëndetit oral të grave shtatzëna dhe inkurajojnë gratë shtatzëna t'u nënshtrohen kontrolleve dhe çdo terapie të përshtatshme të ofruar me kohë të personalizuar.

Mjeti më i rëndësishëm parandalues është komunikimi dhe transferimi i njohurive mbi indekset e rrezikut dhe marrëveshja për zgjedhjen e teknologjive ideale, të sigurta dhe efektive, të cilat lejojnë menaxhimin e përgjegjshëm dhe të lehtë të higjienës orale në shtëpi me vëmendje të veçantë ndaj kompleteve të higjienës orale të përdorura dhe ndaj mjeteve të përdorura nga të sapolindurit (shishe, biberona, çuço, kruajtëse dhëmbësh). Higjienizimi mund të bëhet në mënyrë ergonomike me anë të një sprucatori dezinfektues në distancë 5 cm nga mjetet pa shpëlarje të mëvonshme. Ky gjest i thjeshtë mund t'i mbrojë nga infeksionet e mundshme.