Menaxhimi i shëndetit oral te pacientët me nevoja të veçanta

Personat me aftësi ndryshe kanë nevojë për një asistencë që pajtohet me kriteret e efikasitetit dhe efektivitetin e protokolleve operative të parandalimit, të cilat i përgjigjen...

Nga prof. Gianna Maria Nardi

Prof. Nardi na rikujton se duhet formim dhe humanizëm, duke treguar nivelet e kujdesit në protokollet operative.

Personat me aftësi ndryshe kanë nevojë për një asistencë që pajtohet me kriteret e efikasitetit dhe efektivitetin e protokolleve operative të parandalimit, të cilat i përgjigjen personalizimit të rrjedhës terapeutike. Duke marrë parasysh vështirësitë e krijuara nga paaftësitë fizike, ndijore dhe konjitive, i duhet kushtuar vëmendje e veçantë pjesëmarrjes aktive dhe të përgjegjshme të kujdestarit.

Në fushën publike dhe private do të ishte e përshtatshme të krijoheshin mjedise të dedikuara, të cilat të japin mundësi të menaxhosh vështirësitë në disa raste të çrregullimeve të spektrit autik, të paaftësisë intelektuale të rëndë, ose të paaftësisë së shumëfishtë. Shpesh, pavarësisht se nuk ka mjedise të përshtatshme, janë ndjeshmëria, përgatitja, eksperienca klinike dhe krijimtaria e profesionistëve, si dhe bashkëpunimi i kujdestarëve, ato që dalin fitimtare përballë vështirësive operative.

Teknologjia novatore e dedikuar mbështet procedurat klinike novatore, të cilat lehtësojnë protokollet operative në kohë dhe i bëjnë të pranueshme për pacientët e brishtë, pasi ato janë minimalisht invazive.

Parandalimi i patologjive orale është i nevojshëm, si për çdo pacient, por pikërisht për shkak të brishtësisë, është e nevojshme të përgatiten punonjës shëndetësorë të trajnuar siç duhet, të sigurohen protokolle operative të sigurta dhe efektive, të cilat mundësojnë zbulimin e hershëm të problemeve në kavitetin oral dhe ndërhyrjen. Nevojiten kontrolle të afërta dhe të vazhdueshme, duke i përfshirë kujdestarët në përgjegjësinë për suksesin e rrugëtimit shëndetësor.

Për t'i personalizuar terapitë dhe për ta përfshirë sa më shumë pacientin me nevoja të veçanta dhe kujdestarët e tyre, do të jetë e përshtatshme të komunikohen siç duhet të gjitha kushtet e brishtësisë dhe të bihet dakord mbi kohën dhe instrumentet më të lehta për terapitë në shtëpi.

Nëse i referohemi kontrollit të biofilimit në hapësirat suprakrestale, furçat prej gome janë me siguri një ndihmë e vlefshme për kujdestarin, ose për pacientin me paaftësi ndijore, me qëllim që të shmangen lezione të mundshme të indeve gingivare gjatë punës.

Përsa i përket kontrollit kimik të biofilmit bakterial përdorni, aty ku është e mundur, shpëlarësit me spërkatje të gojës me molekula të ndryshme rimineralizuese, ose përsa i përket kontrollit të inflamacionit për përdorim të përditshëm, përdorni shpëlarës goje, pasta dhe xhel me vaj ulliri të ozonizuar, i cili ushtron veprim anestetik, antiinflamator dhe kundër edemës.

Për pacientët e brishtë që kanë vështirësi në ekspektorim, është më mirë të zgjidhni suplementet ushqimore, të cilat mund të gëlltiten lehtësisht. Lezionet në smalt, të zbuluara herët, mund të trajtohen në mënyrë jo invazive me përdorimin e peptideve. Por, është thelbësore të zgjidhen me shumë kujdes procedurat e parandalimit, me synimin për të arritur pajtueshmërinë, duke menduar, pa pietizëm, për trajtimin e pacientëve të ndërlikuar, me brishtësi të ndryshme.