Mbikëqyrja klinike mund të shpëtojë jetë

Stomatologu është një operator shëndetësor që kryen funksionin e rëndësishëm të ofrimit të shërbimeve specifike me funksion parandalues për të mbrojtur shëndetin oral dhe për të...

Stomatologu është një operator shëndetësor që kryen funksionin e rëndësishëm të ofrimit të shërbimeve specifike me funksion parandalues për të mbrojtur shëndetin oral dhe për të frenuar rrezikun e shëndetit sistemik.

Qasja motivuese ndaj stileve të duhura të jetesës është përparësi absolute, duhet të konsiderohet një moment thelbësor i "terapisë parandaluese" dhe duhet të përfshijë një kohë të përshtatshme për grumbullimin e të dhënave, përmes dëgjimit të pacientit, i cili mund t'i japë mundësi të përcaktojë indeksin e rrezikut për patologji të ndryshme. Aftësitë e kësaj figure profesionale i dedikohen rolit të rëndësishëm prej kujdestari të vëmendshëm ndaj çdo gjëje që mund të konstatohet gjatë seancës profesionale të higjienës orale, që mund të rrezikojë shëndetin dhe që çon në bashkëpunim në projektet e skrinimit në fushat e dedikuara për patologjitë që duhen kapur herët.

Disa teknologji e ndihmojnë profesionistin të zgjerojë vëzhgimin klinik, si p.sh. përdorimi i zmadhimit dhe i ndriçimit, duke e bërë më të lehtë dhe më të saktë qasjen dhe duke reduktuar në minimum rrezikun e gabimit.

Përsa u përket teknologjive, vëmendje e veçantë duhet t'u kushtohet disa syzeve, të cilat, nëpërmjet autofluoreshencës (veti fizike e disa molekulave të pranishme brenda qelizave të indeve të buta), thithin dritën UV dhe lëshojnë një gjatësi vale më të gjatë. Pas aktivizimit të autofluoreshencës, me anë të një drite të ngjashme me atë të lëshuar nga një llambë fotopolimerizuese, mukoza e gojës shfaqet e gjelbër në kushte normale. Zonat me mukozë të alteruar, ose me potencial alterimi, do të shfaqen hipofluoreshente. Pasi stomatologu konstaton mukozën e alteruar, do të përcaktojë diagnozën e indikacionet dhe do të vazhdojë me zhvillimin e protokolleve të personalizuara të higjienës orale sipas diagnozës dhe indikacioneve dhe bazuar në indekset e rrezikut dhe përkeqësimit të indeve, në ato anatomike dhe manuale të pacientit, duke e monitoruar atë me anë të konsultave të shpeshta për higjienën orale.

Konstatimi i hershëm është një detyrë etike dhe i gjithë ekipi stomatologjik, në harmoni me njëri-tjetrin dhe secili duke respektuar aftësitë e veta, duhet të ofrojë qasje diagnostikuese, terapeutike dhe edukative kushtuar parandalimit.