Streptococcus mutans. Efikasiteti i gargarave

Demineralizimi i smaltit, i cili shkakton lezione të njollave të bardha (WSL), mbetet një problem kryesor në stomatologji duke krijuar shqetësim, veçanërisht në fushën e ortodoncisë...

Demineralizimi i smaltit, i cili shkakton lezione të njollave të bardha (WSL), mbetet një problem kryesor në stomatologji duke krijuar shqetësim, veçanërisht në fushën e ortodoncisë, pavarësisht përparimeve në materiale dhe teknika ortodontike.

Aparatet ortodontike fikse, kllapat dhe telat e harkuar veprojnë si pjesë mbajtëse, duke krijuar akumulim të pllakave dhe një ambient shumimi mikrobik.

Ndër patogjenët më të zakonshëm, niveli i pllakës së Streptococcus mutans (S.mutans) lidhet ngushtë me WSL-të. Aktualisht, procedura e këshilluar për pacientët me aparate fikse është shpëlarja e përditshme me gargarë me fluor dhe përdorimi i një paste me të njëjtin përbërës. Këto veprime kontribuojnë në vonimin dhe reduktimin e formimit të WSL-ve, por nuk i shmangin plotësisht ato.

Gargara me aloe vera është një alternativë bimore natyrale, e krijuar për reduktimin e pllakës dhe inflamacionit gingivar dhe pengon shtimin e një sërë mikroorganizmash orale, duke përfshirë edhe S. Mutans. Për më tepër, ky trajtim pranohet nga organizmi pa efekte anësore, apo me efekte anësore minimale.

Një alternativë tjetër është edhe gargara me probiotikë, pasi shumë agjentë probiotikë janë efektivë kundër S. Mutans.

Gjithashtu, nuk u konstatuan ndryshime të dukshme ndërmjet të treja llojeve të gargarave nga të dhënat e referuara nga pacientët mbi ndjesitë e djegies, ndryshimet e shijes dhe ngjyrimin e dhëmbëve pas përdorimit të gargarave.

Si përfundim, mund të themi se efekti i gargarës me aloe vera dhe i asaj me probiotikë në reduktimin e pllakës dhe pranisë së S. Mutans në kavitetin oral gjatë trajtimeve ortodontike fikse, është i njejtë me atë të gargarës me fluor.