Ozonoterapia në reduktimin e edemës pas ndërhyrjeve të vogla të kirurgjisë orale: Studim klinik i rastësishëm

Në ditët pasuese të një ndërhyrjeje të vogël kirurgjike mund të shfaqen shqetësime si për shembull edema, gjakosje, dhembje, komplikime infektive ose shqetësime të tjera në gjendje për të kompromentuar funksionin përtypës dhe fonator, por edhe buzëqeshjen dhe aspektin estetik...

M. Ricci*, A.M. Genovesi, U. Covani

Instituti Stomatologjik Tirreno, Qendra e Stomatologjisë të Spitalit të vetëm të Versilias (Lido di Camaiore, LU)
Përmbledhje:

Objektiva: Të vlerësohet efikasiteti i trajtimit të ozonoterapisë përkundrejt edemës pas ndërhyrjeve kirurgjikale të vogla .

Materiale dhe Metoda: 30 pacientëve, të zgjedhur rastësisht 1:1 në një grup trajtimi (N=15) me ozon në gjendje të gaztë pas ndërhyrjes dhe një grupi kontrolli (N=15) që nuk trajtohen, i janë marrë gjurmët e gishtave para trajtimit (bazë), menjëherë më pas (t 0 ) dhe 3 ditë më pas (t 3). Tek modelet përkatëse është matur distanca ndërmjet segmentit që bashkon gropën dentare (apo diferencën incizale) të dhëmbëve ngjitur dhe të pikës më vestibulare të zonës së përfshirë.

Rezultate: Edema zvogëlohet në mënyrë të konsiderueshme nga ozoni në t3 por sidomos në t0.
Përfundime: Presupozohet që ozoni të zvogëlojë rritjen e volumit të gjakut në enët e gjakut dhe përshkueshmërinë e enëve të gjakut të lidhur me edemën dhe rrit përqendrimin e oksigjenit në zonën e interesuar dhe përhapjen e saj në inde.

1. Hyrje
Menjëherë në ditët pasuese të një ndërhyrjeje të vogël kirurgjike mund të shfaqen shqetësime si për shembull edema, gjakosje, dhembje, komplikime infektive ose shqetësime të tjera në gjendje për të kompromentuar funksionin përtypës dhe fonator, por edhe buzëqeshjen dhe aspektin estetik, nga momenti që kanë të bëjnë me fytyrën. Këto shqetësime mund të kenë edhe implikime negative në jetën e përditshme të pacientit - për shembull vonojnë rikthimin e tij në jetën e mëparshme në punë, në aktivitetin sportiv dhe social - dhe ndikim në nivel qoftë fizik qoftë psikologjik dhe komunikues. Nga ana tjetër një sjellje shpesh e favorshme e pacientit përball kësaj lloj kirurgjie, zakonisht pak e dhimbshme dhe që kryhet në qendra ambulatore, e bën akoma më të domosdoshëm një shërim të shpejtë që lejon vetë pacientin të kthehet me shpejtësi në jetën e tij normale, sipas pritshmërisë së tij. Një nga shqetësimet që shpesh paraqiten pas një ndërhyrjeje kirurgjike orale të vogël është edema, që do të thotë një fryrje e indeve të prekur [1]. Indi që preket nga ndërhyrja në fakt shkakton si reaksion mbrojtjeje përkundrejt dëmit të pësuar, një rënie komplekse të ndërmjetësuesve biokimikë, këto të fundit lëshojnë si përgjigje inflamacionet. Këto të fundit paraqiten me simptomat e mëposhtme: skuqje, fryrje, nxehtësi, dhembje dhe humbje të funksionit (rubor, tumor, calor, dolor e functio laesa). Aktiviteti vaskular, në rast ndërhyrjeje, modifikohet në lidhje me fiziologjinë e tij normale duke kërkuar të zvogëlojë efektin e vetë ndërhyrjes dhe të rivendosë situatën indore të mëparshme. Rritja e kalibrit të enëve të gjakut dhe rritja e përshkueshmërisë vaskulare në zonën që na intereson shkaktojnë një dalje të madhe të disa përbërësve plasmatikë, siç janë leukocitet, nga shtrati vaskular për të depërtuar në indin përreth. Si pasojë, shikohet formimi i një edeme që paraqitet si një ënjtje lokale dhe që duke ushtruar një presion në indet përreth, kontribuon në ndjesinë që percepton individi. Në disa raste edema mund të jetë aq e rëndësishme sa të ndalojë oksigjenin, që përhap kryesisht një shkallë përqendrimi, që të arrij indin më në brendësi. Në një situatë ekstreme, kjo mund të çojë në nekrozë të indit të prekur [2].

Shkarko versionin e plotë në PDF

Përktheu: Valbona Spahia