Analiza krahasuese e shkrirjes së solucioneve të hipokloritit të natriumit

Demonstrohet shkrirja më e madhe e solucioneve të hipokloritit të natriumit të shtuar me surfaktant, në lidhje me dentinën krahasuar me atë që përftohet vetëm nga hipokloriti i natriumit me 5,25% ose me ujë të distiluar.

Luciano Giardino, Marco Morra, Carlo Becce, Fernanda G. Pappen, Zahed Mohammadi, Flavio Palazzi

Demonstrohet shkrirja më e madhe e solucioneve të hipokloritit të natriumit të shtuar me surfaktant, në lidhje me dentinën krahasuar me atë që përftohet vetëm nga hipokloriti i natriumit me 5,25% ose me ujë të distiluar.

Objektiva
Studimi i tanishëm ka vlerësuar sjelljen e solucioneve të ndryshme të hipokloritit të natriumit (NaOCl), me dhe pa shtimin e surfraktantëve, në kontakt me dentinën.

Materiale dhe metoda
Dymbëdhjetë paradhëmballë monokanalore janë ndarë sipas boshtit gjatësor me një disk diamanti me rrotullim të ulët. 24 kapionët e marrë janë shpërndarë në mënyrë rastësore në katër grupe eksperimentale: Grupi 1 = NaOCl me 5,25%; Grupi 2 = NaOCl me 5,25% me surfraktant (Hypoclean); Grupi 3 = NaOCl <6% me surfraktant (Chlor - Xtra); Grupi i kontrollit = uji i distiluar (MilliQ 18 MOhm). Për të vlerësuar në fund shkrirjen e solucioneve në lidhje me dentinën janë kryer tre matje: këndi i kontaktit të fiksuar tek baza, këndi i kontaktit të progresit dhe këndi i kontaktit së rënies. Të gjitha këndet janë matur me një raportor Krüss G 23.

Rezultate
Këndi më i lartë i kontaktit është vëzhguar tek grupi i kontrollit, duke konsideruar vlerat qoftë në këndin e kontaktit të bazës qoftë në këndin e kontaktit të progresit. Shpërndarja e solucioneve të Grupit 2 (Hypoclean) dhe e Grupit 3 (Chlor - Xtra) mbi sipërfaqen e dentinës ka qënë e menjëhershme, në përputhje me vlerën prej zero gradësh të regjistruar pë tre kënde të ndryshme të kontaktit. Grupi 1 (hipokloriti i natriumit me 5,25%) ka treguar një kënd kontakti të bazës të barabartë me 35 gradë dhe një kënd kontakti të progresit të barabartë me 64 gradë; këndi i kontaktit të rënies i matur dhe rezultati është i barabartë me zero.

Konkluzione
Të dhënat e marra kanë treguar qartësisht shkrirje më të madhe të solucioneve të hipokloritit të natriumit të shtuar me surfraktant në lidhje me dentinën krahasuar me atë që përftohet vetëm me hipoklorit të natriumit me 5,25 % ose me ujë të distiluar.

Shkarko versionin e plotë në PDF

Përktheu: Valbona Spahia