Overdenture mandibulare e vendosur mbi dy impiante: një alternativë e vlefshme e rivendosjes së dhëmbëve të rënë. Rasti klinik

Overdenture* mbi implante është një zgjedhje e besueshme, funksionale dhe estetikisht e vlefshme për rehabilitimin e gojës pa dhëmbë? Për t’ju përgjigjur kësaj pyetje Berardini dhe Di Iorio, autorë të punimit “Overdenture mandibulare mbi dy implante: një alternativë e vlefshme në rivendosjen e dhëmb

Marco Berardini, Enzo Di Iorio

Overdenture* mbi implante është një zgjedhje e besueshme, funksionale dhe estetikisht e vlefshme për rehabilitimin e gojës pa dhëmbë? Për t'ju përgjigjur kësaj pyetje Berardini dhe Di Iorio, autorë të punimit "Overdenture mandibulare mbi dy implante: një alternativë e vlefshme në rivendosjen e dhëmbëve të rënë" (Dental Cadmos 3/2015), paraqesin rezultatet e një studimi që ka si objektiv përshkrimin dhe ballafaqimin e tre zgjidhjeve të mundshme klinike.
Janë zgjedhur 12 pacientë pa dhëmbë, të gjithë mbajtës të protezave të pjesës së poshtme. Të gjithë kërkojnë ribërjen e një proteze të re të lëvizshme që do i kënaqte kryesisht gjatë mbajtjes së saj dhe me funksionimin.
Çdo pacienti i është propozuar, një plan trajtimi që parashikon realizimin e një proteze të re të lëvizshme në pjesën e poshtme të llojit overdenture e fiksuar mbi dy implante të pozicionuar në faqen intraforaminale nëpërmjet një sistemi fiksues të zgjedhur rastësisht mes fiksuesve sferikë (fig. 1), shufrës rrotulluese (fig. 2) ose shufra të fiksuara me butona (fig. 3).
Janë përdorur implante me diametër që përfshiheshin diametra me 3,4 dhe 3,5 mm dhe gjatësi 10 dhe 13 mm dhe janë lënë që të shërohen në të futura në mish për një periudhë tre mujore. Pas një viti nga dorëzimi i protezës, pacientëve ju është kërkuar të plotësonin një pyetësor anonim që vlerësonte gjendje e kënaqësisë gjatë mbajtjes së protezës, në rifitimin e funksionalitetit përtypës dhe në lehtësimin e kryerjes së manovrave të sakta higjienike në një shkallë nga 1 (e pamjaftueshme) në 5 (e shkëlqyer). Përveç kësaj janë vlerësuar kohët dhe kostot e çdo zgjidhjeje dhe janë regjistruar parametrat e PPD, BOP dhe treguesit për pllakat e dhëmbëve për çdo implant.
Në një vit nga aplikimi i protezës nuk është verifikuar asnjë prishje e implanteve. Të treja llojet e fiksimit të protezës mbi implante i kanë lënë pacientët të kënaqur në termat e mbajtjes së protezës dhe funksionimit të saj. Gjykimet e shprehura mbi këto parametra kanë një renditje që varion nga 4 (e mirë) në 5 (e shkëlqyer).
Zgjidhja që parashikonte shufra me katër butona ka regjistruar pikët më të larta përsa i përket mbajtjes së protezës për sa i përket mirëmbajtjes higjienike të fiksuesve, pacientët ishin më së shumti të kënaqur nga fiksuesit sferikë në krahasim me implantet e vënë me shufra (qoftë ajo me butona qoftë ajo me rrotullim).
Është e pamundur, konfirmojnë Autorët, të përcaktohet njëri apo tjetri fiksues për overdenture mandibulare "ideale" përsa i përket avantazheve, disavantazheve dhe tregues të saktë klinikë janë të qenësishëm në çdo lloj metodike terapeutike. Rezultatet e shfaqura në ballafaqimin klinik dhe nga skedat e kënaqjes së pacientëve të plotësuara nga vetë ata tregojnë sesi fiksuesit e vetëm me formë sferike janë më të preferuara nga pjesa më e madhe e rasteve sepse janë të aftë të ofrojnë një mbajtje të mirë të protezës dhe mirëmbajtje higjienike të shkëlqyer me shpenzimet dhe kohën e shkurtër edhe pse mund të kërkojnë zëvendësim të shpeshtë të o-ring. Nga ana tjetër shufra me butona e mbështetur mbi dy implante mandibulare, e përdorur me katër elementë mbajtës, mund të merret në konsideratë në rastet e atrofisë së lartë kockore kur dëshirohet të rritet në maksimum gjendja e mbajtjes së protezës. Por i tillë tip i overdenture përdoret me kujdesin më të madh për të shmangur mbingarkesën; treguesi kryesor është tek pacientët që mbajnë proteza të lëvizshme edhe në nofullën e sipërme dhe të karakterizuara pra nga forca përtypëse jo të larta.

Overdenture* - sistemi i ndërtuar nga një protezë dhëmbësh e lëvizshme e fiksuar te rrënjët natyrale ose në rrënjë artificiale titaniumi të përbëra nga dy pjesë të dallueshme: vidë (fikse) dhe koka (mbajtëse).
Përmbledhja nën kujdesin e: Anna Maria Malica, Konsulente Shkencore e revistës "Dental Cadmos"

Përktheu: Valbona Spahia