Diagnoza, trajtimi dhe follow up-i i lezioneve trigeminale të gojës

Përhapja e implantologjisë dhe e kirurgjisë orale në përgjithësi ka sjellë një rritje të komplikimeve të mundshme për shkak të ndërhyrjes. Ndër këto lezionet nervore, tema e dosjes së numrin të dytë 2014 të Dental Cadmos, janë më të frikshmet

Përhapja e implantologjisë dhe e kirurgjisë orale në përgjithësi ka sjellë një rritje të komplikimeve të mundshme për shkak të ndërhyrjes. Ndër këto lezionet nervore, tema e dosjes së numrin të dytë 2014 të Dental Cadmos, janë më të frikshmet. Mekanizmat riparues, prognoza dhe trajtimi i këtyre lezioneve është pak i njohur, ndërsa, për të lejuar pacientët dhe mjekët që të ditancohen nga opinionet jo profesionale dhe shumë të largëta nga prova shkencore, duhet trajtuar problemi në thellësi. Punimi, sipas modulit të parë të kursit FAD 2014, vë si objektiv kryesor atë të furnizimit të njohurive evidence based që lejojnë një qasje racionale ndaj problemit. Kjo lejon planifikimin e një ndërhyrjeje që minimizon humbjen funksionale dhe garanton rezultatin maksimal rehabilitues.

Alveolar inferior dhe gjuhësor
Dy nervat që më së shumti të prekura nga ngjarjet e dëmshme janë alveolari inferior dhe gjuhësor nga pozicioni i tyre i veçantë anatomik me vendosje tek dhëmballa e tetë poshtë ose mënjëherë në afërsi të faqes ku kryhet kirurgjia në rast implanti të poshtëm tek vrima e mjekrës. Mënyrat që mund të verifikojnë një lezion nervor janë të shumta dhe e bëjnë prognozën të ndryshueshme dhe kohën që i duhet pacientit për tu shëruar. Lezionet mund të realizohen nëpërmjet një mekanizmi të llojit kompresiv ose tërheqës ose për seksione të pjesshme ose totale të nervit. Në rastin e parë përgjithësisht prognoza është e shkëlqyer edhe nëse ndryshon në kohë dhe është e varur nga përqindja e fibrave të dëmtuara. Në dukje më i rëndë nga pikëpamja e prognozës, rasti i dytë në të cilin lezioni krijohet nga prerja ose këputja e nervit, vazhdimësia e të cilit rezulton në mënyrë makroskopike e ndërprerë.

Seksioni i nervit
Dy trupat e nervave tërhiqen dhe prandaj rigjenerimi nervor nuk mund të ketë vend, me përjashtim të rastit në të cilin është nervi alveolar inferior që ndahet. Pasi sigurohemi që kanali mandibular nuk është zënë nga trupa të huaj si impiantet, rrënjët ose pjesë kocke është përgjithësisht e mjaftueshme të pritet disa muaj për t'u vënë re autoriparimi i nervit për shkak të rigjenerimit boshtor proksimal të trupit që përcillet domosmoshmërisht drejt trupit skajor të mureve të kanalit. Ndërsa krerët e nervit gjuhësor të ndarë tentojnë të distancohen reciprokisht në brendësi të indeve të buta të gojës dhe përafrimi sërish i tyre mund të vijë vetëm nëpërmjet një ndërhyrjeje të mikrokirurgjisë rikonstruktive, ose rrezikut të humbjes së përhershme të ndjeshmërisë në prekje, ndjeshmërisë së dhimbjes dhe shijes.

Mundësia e ndërhyrjes
Është thelbësore që dëmi të njihet menjëherë në mënyrë që të mund të ndërhyhet sa më shpejt që të jetë e mundur, në rastin më të mirë me të njëjtat kushte që gjenerohet lezioni. Trajtimi kirurgjik duhet të jetë sidoqoftë në kohë nëse lezioni është caktuar ose janë të pranishme dhimbje. Rezultatet e arrrira me protokollin e paraqitur nga Autorët vënë në dukje mundësinë për rifitimin e rreth 80% të funksionit. Në rast të një simptomatologjie me dhembje, nëse trajtimi kirurgjik bëhet brenda pak ditëve ose javëve, përqindja e zgjidhjes pozitive është e lartë. Ndërsa pasi kalojnë 12 muaj, mundësitë e kontrollit kirurgjik të simptomatologjisë bien në mënyrë drastike dhe duhet të përgatitet terapia farmakologjike, pa patur sigurinë për kontrollimin e plotë të dhembjeve.

Te ky link gjeni punimin origjinal.

Përktheu: Valbona Spahia