Suksesi i terapisë endodontike: si ndryshon prognoza kur thyhet një pajisje

Gjatë vitit 2013 një rishikim i rëndësishëm i literaturës së botuar në "British Dental Journal", revistë referuese për panoramën stomatologjike anglosaksone është pika aktuale mbi ndikimin e thyerjes së një pajisjeje endodontike gjatë kryerjes së terapisë së kanalit të rrënjës.

Matteo Grassi

Gjatë vitit 2013 një rishikim i rëndësishëm i literaturës së botuar në "British Dental Journal" (The impact of fractured endodontic instruments on treatment outcome ;Br Dent J. 2013 Mar;214(6):285-9 McGuigan MB, Louca C, Duncan HF), revistë referuese për panoramën stomatologjike anglosaksone është pika aktuale mbi ndikimin e thyerjes së një pajisjeje endodontike gjatë kryerjes së terapisë së kanalit të rrënjës.
Artikulli ka si qëllim të sigurojë udhëzimet për mjekun për të përballuar në mënyrën e duhur zgjedhjen e proçesit terapeutik më të përshtatshëm.
Në studim vihet në dukje sesi prania fillestare e lezioneve periapikale është faktori prognostik më vendimtar: përqindjet e suksesit të terapisë reduktohen në mënyrë të konsiderueshme, për shkak të dezinfektimit të pamjaftueshëm të hapësirës endodontike (nga 5% deri në 42% më pak mundësi suksesi).
Në mbështetje të kësaj të dhëne, të gjithë artikujt e analizuar bien dakort që, në mungesë të lezioneve periapikale fillestare prania e një copëze të thyer nuk ndikon në mënyrë statistikore të rëndësishme suksesi i terapisë endodontike. Është e dukshme pra sesi heqja e copës së thyer të saj ose të bypass-it është një hap i rëndësishëm në praninë e një lezioni periapikal ndërsa merr një rëndësi dytësore në rastin e kundërt.
Rëndësia strategjike e dhëmbit në planin e trajtimit, përmasa e fragmentit, pjesa anatomike ku bëhet ndarja e aparaturës (simetria anatomike e rrënjës) dhe faza e terapisë së kanalit të rrënjës ku ndodh ngjarja, janë të gjithë elementë që duhet të merren në kosideratë në fazën përfundimtare. Është gjithashtu e dukshme që kurdo që copëza e thyer nuk është hequr, kontrolle periodike radiografike janë të nevojshëm për të vlerësuar zhvillimin e gjendjes klinike.
Vlerësimi i duhur i rreziqeve dhe përfitimeve në lidhje me heqjen e copëzës së thyer, menaxhimi i stresit që vjen nga ngjarja dhe këshillimi i planit të kurave me pacientin bëhen thelbësore, si dhe etike, duke ruajtur mjekun nga marrja e një vendimi të nxituar dhe kundërproduktiv, si dhe në krijimin e mosmarrëveshjeve mjeko-ligjore.

Përktheu: Valbona Spahia