Kurora metalike-qeramike apo kurora në qeramikë të plotë: cilën të zgjedhim?

Në praktikën e përditshme gjithnjë e më shpesh duhet të vendosen kurora në qeramikë të plotë për vetëm një dhëmb, që tashmë përbëjnë një alternativë të vlefshme për kurorat metalike-qeramike. Arsyet janë kryesisht dy: ajo estetike dhe ajo ekonomike (duke marrë parasysh rritjen e kostove të metaleve

Lara Figini

Në praktikën e përditshme gjithnjë e më shpesh duhet të vendosen kurora në qeramikë të plotë për vetëm një dhëmb, që tashmë përbëjnë një alternativë të vlefshme për kurorat metalike-qeramike. Arsyet janë kryesisht dy: ajo estetike dhe ajo ekonomike (duke marrë parasysh rritjen e kostove të metaleve të çmuara si ari).
Qeramika e parë e plotë që u përdor ishte qeramika feldspathic por që kishte defektin e një qëndrueshmërie të ulët mekanike që kufizonte përdorimin e saj tek pjesët anësore. Nga kjo, prodhuesit kanë zhvilluar alternativa të ndryshme me qëllim sigurimin e një vetie më shumë mekanike duke ruajtur karakteristikat e larta estetike. Mes këtyre materialeve radhiten leucite, disilikat litiumi ose disilikat litiumi i përforcuar me pocelan-qelq dhe oksidet e qeramikës si alumini dhe zikroni. Por nëse flitet për mbijetesë për një kohë të gjatë (3-5 vjet) cili nga këto materiale është më i mirë qoftë në pjesët anësore qoftë në ato të prapme përsa i përket kurorave për një dhëmb të vetëm?
Një rishikim sistematik i botuar në "Dental Matewrials" në qershor 2015 ka hetuar pikërisht mbijetesën me 5 vite të kurorave metalike-qeramike dhe të kurorave në qeramikë të plotë te një dhëmb i vetëm, duke përshkruar edhe incidencën e komplikimeve biologjike, teknike dhe stetike.
Autorët kanë kryer një kërkim të literaturës në bankat e të dhënave PubMed, Embase, CochraneCentral Regjistri i Controlled Trials (CENTRAL). Kërkimi është kufizuar nga studimi mbi njeriun të shkruara në gjuhën angleze dhe të botuar nga 1 dhjetori 2006 deri më 31 dhjetor 2013 duke përdorur një strategji kërkimi të paracaktuar. Në kërkim janë përfshirë studime të rastësishme të kontrolluara, studimet perspektive të grupeve dhe retrospektive me follow-up minimumi me tre vjet. 67 studime kanë hyrë në meta-analizën përfundimtare të këtij rishikimi, me 4663 metalike-qeramike dhe 9434 qeramikë të plotë. 17 studime kishin të bënin me kurorat metalike-qeramike dhe 54 studime me kurorat në qeramikë të plotë. Meta-analiza e studimeve të përfshira ka treguar normat e mbijetesës së vlerësuar për kurorat metalike-qeramike me 94,7% (95% Cl: 94,1-96,9%) pas 5 vitesh. Një normë e ngjashme mbijetesës në 5 vjet është marrë për qeramikën e plotë me bazë leuciti, disilikat litiumi të performuar me porcelan(96,6%; 95% CI: 94,9-96,7%), për porcelan-alumin (94,6%; 95% CI: 92,7-96%) dhe aluminim me densitet të lartë sintetizimi dhe zirkonin (96%; 95 % CI: 93,8-97,5%; 92,1%; 95% CI: 82,8-95,6%).
Përkundrazi, norma e mbijetesës me 5 vjet e kurorave qeramike feldspathic dhe silicë ishin në mënyrë të konsiderueshme më të ulta (p<0.001). tek pjesët e poshtme kurorat në qeramikë feldspathic dhe me bazë silici dhe zirkoni kanë sjellë norma mbijetese më të ulëta (p<0,0001) në krahasim me llojet e tjera të kurorave të kryera në mënyrë të ngjashme. Kurorat me bazë oksidi zirkoni me dentitet të lartë sintetizimi kanë shfaqur një shkallë më të lartë të frakturave të strukturës në qeramikë në krahasim me kurorat metalike-qeramike (p<0,001), përveç një humbjeje të konsiderueshme të mbajtjes (p<0,001). Në përgjithësi sidoqoftë verifikohen norma më të larta të përgjithshme me 5 vjet fraktura për qeramikën e plotë dhe për metalike-qeramike.
Tek një follow-up me minimum 3 vjet kurorat për vetëm një dhëmb me qeramikë të plotë janë në rregull po aq sa ato metalike-qeramike dhe mund të konsiderohen pra qoftë për pjesët e prapme qoftë për pjesët anësore si një alternativë e vlefshme për kurorat metalike-qeramike tradicionale më pak estetike. Megjithatë është mirë t'i kushtohet vëmendje se cilit lloj qeramike i referohemi. Ajo që u tha më sipër është e vërtetë vetëm për qeramikat me leucite ose me disilikat litiumi të përforcuar ose për oksido qeramikat. Këto materiale qoftë në zonat anësore qoftë në ato të prapme reagojnë në mënyrë të ngjashme. Ndërsa kurorat me zirkon me densitet të sintetizuar sidoqoftë nuk mund të rekomandohen si opsion i trajtimit primar, për shkak të një rreziku të lartë të ciflosjes së qeramikës që e mbulon dhe humbjes së aftësisë mbajtëse. Në fund qeramika feldspathic ose e silicit mund të përshtatet me qetësi dhe siguri vetëm tek pjesët anësore dhe funksionalitet të ulët.

Bibliografia:
All-ceramic or metal-ceramic tooth-supported fixed dental prostheses (FDPs)? A systematic review of thesurvival and complication rates. Part I: Single crowns (SCs).
Sailer I, Makarov NA, Thoma DS, Zwahlen M, Pjetursson BE.
Dent Mater. 2015 Jun;31(6):603-623.

Përktheu: Valbona Spahia