Kirurgjia e indeve të buta: menaxhimi i lezioneve në nivelin e kanaleve të pështymës

Qëllimi i punimit është diskutimi i menaxhimit të ndërhyrjeve kirurgjike në nivelin kanaleve të pështymës duke përshkruar trajtimin e një pseudo-fibrome traumatike në lidhje me kanalin e Stenone....

A. Nicali, R.K. Duda, N. Lombardi, A. Sardella, G. Lodi

Objektiva. Qëllimi i punimit është diskutimi i menaxhimit të ndërhyrjeve kirurgjike në nivelin kanaleve të pështymës duke përshkruar trajtimin e një pseudo-fibrome traumatike në lidhje me kanalin e Stenone, një mucocele (kist i pështymës) në nivelin e gjëndrës nën gjuhë dhe një sialolithiasis e pjesës së poshtme të gojës. Lezionet e indeve të buta orale dhe të strukturave të gjëndrave janë patologji relativisht të zakonshme që kirurgu oral duhet të dijë sesi t'i menaxhojë me të njëjtin besim që trajton kushtet që prekin indet e forta. Tek ky artikull do të përshkruhen tre raste klinike të lezioneve në gjëndrat e pështymës dhe tek strukturat para gjëndrave të trajtuara tek Njësia e Departamentit të Mjekësisë Orale, Patologjia Orale dhe Gjeriatria e Spitalit "San Paolo në Milano. Tre rastet që do të paraqiten kanë si qëllim vënien në dukje të një goditjeje të saktë kirurgjike në praninë e lezioneve ose formimeve të reja tek kanalet e gjëndrave më të mëdha të pështymës. Me një programim të përshtatshëm dhe kryrjen e ndërhyrjes është e mundur të trajtohen këto kushte patologjike duke ruajtur integritetin funksional të kanaleve të pështymës.

Materiale dhe metoda: futja e një pipëze në kanalin e pështymës, sialodoplastika dhe teknika e çarjes së kistit për të vendosur një komunikim me ambientin jashtë të lezionit. Falë këtyre procedurave është e mundur të zgjidhet shumica e patologjive më të zakonshme që lidhen me bllokimin e fluksit të pështymës.

Rezultate dhe përfundime: Një programim i kujdesshëm kirurgjik dhe adoptimi i disa pajisjeve teknike lejojnë që të zgjidhen me lehtësi problemet klinike të pacientëve të prekur nga këto kushte dhe të parandalohen komplikimet që lidhen me strukturat delikate që janë afër lezionit. Duke qenë një kirurgji orale në shumicën e rasteve mbetet në fushën e kirurgjisë orale që kryhet në ambulancë, sepse ka nevojë për shumë kujdes nga ana e stomatologut.

Shkarkoni versionin origjinal në Download Center

Përktheu: Valbona Spahia