Programimi ortodontik-para kirurgjik

Qëllimi i këtij punimi është që të paraqesë rezultatet e protokollit me modele të termo-stampuara të zbatuara tek Reparti i Ortognatodoncisë të Departamentit të Shkencave Kirurgjike, Rekonstruktive dhe Diagnostikimeve të Universitetit të Milanos.

C. Maspero, G. Galbiati, L. Giannini, G. Farronato

Objektiva. Qëllimi i këtij punimi është që të paraqesë rezultatet e protokollit me modele të termo-stampuara të zbatuara tek Reparti i Ortognatodoncisë të Departamentit të Shkencave Kirurgjike, Rekonstruktive dhe Diagnostikimeve të Universitetit të Milanos.

Materiale dhe metoda. Tek ky studim janë marrë në konsideratë 15 pacientë në trajtimin ortodontik-kirurgjik. Zhvendosjet e dhëmbit që duhet të kryhen në fazën para kirurgjike janë simuluar në laborator dhe në bazë të set-up ortodontik janë kryer maskat e termo-stampuara me mbulesë okluzale që kanë shërbyer si udhërrëfyes pë ortodontin gjatë fazës para kirurgjike të ortodoncisë. Për çdo pacient është shtuar një diagnozë tridimensionale e raporteve skeletike dhe okluzale, duke ndjekur faza të ndryshme të programimit ortodontik-para kirurgjik të protokollit të ilustruar. Për secilin është programuar përgatitja ortodontike- para kirurgjike, që në fund të merret një pozicionim tridimensional e elementëve dentar ngjitur me bazën kockore përkatëse, në një raport harmonik me pozicionimin e ardhshëm hapsinor që duhet të marrë kirurgjikisht.

Rezultate. Veçanërisht e rëndësishme, mes fazave të ndryshme të protokollit është përdorimi i modeleve të termo-stampuara të përbëra mbi bazën e një modeli tek i cili është kryer set-up ortodontik. Mjeku mund të vlerësojë në çdo takim përshtatjen e një modeli në gojën e personit. Pra mund të vendoset sasia e zhvendosjeve të dhëmbëve që duhen kryer, duke shmangur përsëritjen e më shumë herëve të rekordeve (zbulimin e gjurmëve) për vlerësimin e arritjes së objektivave të fazës së ortodoncisë para kirurgjike dhe duke parandaluar fenomene të padëshiruar si lëvizja e dhëmbëve. Objektivat e fazës para kirurgjike konsiderohen se janë arritur kur modelet përshtaten plotësisht; në këtë pikë pacienti mund të konsiderohet se është gati për ndërhyrjen.

Përfundime. Protokolli i përshkruar lejon të arrihet një programim ortodontik-kirurgjik mjaft i saktë dhe si pasojë të optimizojë fazat e ndryshme të trajtimit me avantazhe të rëndësishme në fushën klinike. Në planifikimin e një trajtimi ortodontik-kirurgjik vëmendje e veçantë duhet t'i rezervohet fazës së programimit. Sidomos, natyrisht është thelbësore një diagnozë e saktë.

Artikullin origjinal e gjeni këtu.

Përktheu: Valbona Spahia