Proteza në kompozitë: zgjidhje riaftësuese moderne

Qëllimi i këtij punimi është që të përshkruajë përdorimin e materialeve kompozitë tek protezat fikse. Mundësia për të përdorur rezinën kompozitë për realizimin e kurorave dhe urave tek dhëmbët natyral paraqet një zgjidhje terapeutike inovative

G. Rappelli, E. Coccia, M. Procaccini

Qëllimi i këtij punimi është që të përshkruajë përdorimin e materialeve kompozitë tek protezat fikse. Mundësia për të përdorur rezinën kompozitë për realizimin e kurorave dhe urave tek dhëmbët natyral paraqet një zgjidhje terapeutike inovative dhe me interes të sigurt kur duhet të rivendoset estetika dhe funksioni duke ruajtur në maksimum indin e dhëmbit të shëndetshëm. Mes avantazheve të ofruara nga ky material në krahasim me sistemet tradicionale, si qeramika adezive integrale, ka mundësi për të kryer punime të tjera estetike dhe riparime intraorale pa patur rrezik që të dëmtohet punimi i bërë, lehtësia e maskimit të kufirit të fundit edhe në zona shumë të dukshme, qëndueshmëria e mirë mekanike që arrihet kurdo që kompozita lidhet me fibra xhami.
Evoluimi i vazhdueshëm i teknikave dhe i materialeve adezive dhe nevoja nga ana e stomatologëve, protokollet klinike të thjeshta, ergonomikë dhe të besueshëm kanë përcaktuar një përdorim më të madh të rezinave kompozitë si materiale proteze. Këto materiale në fakt, lejojnë që të thjeshtohen procedurat klinike dhe të reduktohen kostot dhe kohët operativë, duke garantuar rezultate të shkëlqyera estetikë dhe funksionalë. Mundësia që të ngjitet rezina kompozitë me indet dentare lejon që të reduktohen në minimum kostot biologjike dhe që të kryhen punime të tjera estetike dhe riparime intraorale, nëse nevojitet, pa zëvendësuar ex novo punimin protezik. Në lidhje me restaurimet tradicionale në metal-qeramikë ose në qeramikë integrale. Kompozita duke qënë se karakterizohet nga një modul elasticiteti i ngjashëm me atë të dhëmbëve natyral, lejon një shpërndarje homogjene të stresit duke garantuar një riprodhim besnik të karakteristikave fizike dhe biomekanike të indeve dentare.
Në këto dhjetë vjeçarët e fundit, zhvillimi i teknikave dhe i materialeve dhe kërkesa e vazhdueshme e mjekëve dhe pacientëve për zgjidhjen metal-free kanë përcaktuar lindjen e një dege të re stomatologjike: proteza adezive. Paralelisht me zhvillimin e qeramikave integrale adezive, përmirësimi i sjelljes mekanike dhe estetike të rezinave kompozitë ka hapur mundësi të reja për riaftësimin protezik në situata klinike specifike. Realizimi i kurorave protezike që lejojnë një riparim të plotë tek sektorët e poshtëm, përdorimi i kurorave të pjesshme që ofrojnë një imitacion të kufirit të fundit tek sektorët estetikë pavarësisht mundësisë për realizimin e urave të vogla të kapura janë shembuj të dukshëm të një qasjeje moderne tek stomatologjia protezike.
Artikulli i plotë origjinal gjendet në seksionin Të ndryshme nga dentistria në Download Center.

Përktheu: Valbona Spahia