Jo të gjitha "biondet" i bëjnë mirë shëndetit!

Duhanpirja është një zakon shumë i përhapur dhe një nga faktorët me rrezik kryesor për patologjitë e zgavrës së gojës. Paraqet shkakun më të rëndësishëm të periodontitit.

Duhanpirja është një zakon shumë i përhapur dhe një nga faktorët me rrezik kryesor për patologjitë e zgavrës së gojës. Paraqet shkakun më të rëndësishëm të periodontitit.
Shumë studime klinike në fakt kanë zbuluar sesi duhanpirësit janë më të prekur nga sëmundja periodontale, edhe me një gjendje të higjenës orale të përkryer. Këta individë paraqesin një rrezik më të madh për xhepat periodontalë të thellë (që fillojnë nga gingivat që shkëputen nga dhëmbi dhe fillojnë të krijojnë një hapësirë ku depozitohet pllaka bakteriale, që më pas kalcifikohet duke u shndërruar në gurëza), një humbje më të madhe të kockës kryesore të nofullës, një recesion më të madh gingival, humbje më të madhe të elementeve dentare dhe rrënjët e dhëmbëve janë më të ekspozuara.

Si mund të ndërhyjmë?
Duke marrë parasysh këshillat e stomatologëve individët duhet të ndalojnë së piri duhan, por tashmë dihet që për disa është shumë e vështirë për arsye të ndryshme. Pra ajo që mund t'ju këshillohet në këtë rast është që të reduktohet numri i cigareve dhe të kryhen kontrolle periodike tek dentisti. Ndërhyrja e dentistit në kohë mund t'ju ndihmojë për të parandaluar sëmundjen periodontale. E rëndësishme është të mos nënvlerësohen vizitat për higjenën orale, sepse një eliminim i saktë i toksinave dhe baktereve mbi dhe nën gingiva, ndalon përparimin e sëmundjes dhe ju garanton një shëndet më të mirë!
Duhet mbajtur mend që nga goja, varet dhe mirëqenia e shumë organeve të tjera të trupit tonë! Dhe kjo është shumë e rëndësishme sidomos te femrat shtatzëna: gjatë shtatzënisë suaj mos pini duhan! Një shëndet i mirë i zgavrës së gojës në këtë periudhë do të thotë shëndet edhe për fetusin edhe për vetë ju.

Pra do të ishte mirë që për të ruajtur shëndetin e tuaj oral por edhe të shumë organeve të tjera të:
- Reduktoni numrin e cigareve që konsumoni gjatë ditës;
- Të kryeni vizita për higjenën e gojës në mënyrë periodike tek dentisti juaj;
- Të mbani një higjenë të shkëlqyer orale në shtëpi.

Me këto këshilla mund të parandaloni fillimin e problemeve të tjera tek gingivat. Pastaj nëse jeni të aftë që të hiqni dorë nga ky zakon dhe të lini duhanin të jeni të sigurt që jo vetëm goja por edhe shumë organe të tjera do të jenë më të shëndetshme!

Përktheu: Valbona Spahia