Vetitë antibakteriale të hidroksidit dhe oksidit të kalciumit në mjekimin endodontik

Qëllimi i këtij studimi klinik të rastësishëm është vlerësimi i aftësive antibakteriale in vivo të dy materialeve të ndryshme për mjekim të ndërmjetëm (oksid kalciumi, hidroksid kalciumi), të cilët janë krahasuar me rastet e kontrollit.

G. Garlini, V. Chierichetti, L. Vanoni, R. Rodi

OBJEKTIVA
Qëllimi i këtij studimi klinik të rastësishëm është vlerësimi i aftësive antibakteriale in vivo të dy materialeve të ndryshme për mjekim të ndërmjetëm (oksid kalciumi, hidroksid kalciumi), të cilët janë krahasuar me rastet e kontrollit.
MATERIALE DHE METODA
Janë zgjedhur 30 pacientë që kishin dhëmbë që duheshin trajtuar në mënyrë endodontike për karies. 10 elemente janë lënë pa mjekim të ndërmjetëm, 10 janë mjekuar me hidroksid kalciumi, 10 me oksid kalciumi. Marrja e mostrave mikrobiologjike nëpërmjet majave të letrave sterile është kryer menjëherë pas hapjes së dhomës pulpare (T1), në fund të mjeteve kanalre, përpara mjekimit të ndërmjetëm (T2) dhe me distancë një javë përpara mbushjes së rrënjës (T3). Mostrat e marra, të ruajtura në provëza që përmbanin 9mL fosfat me një tampon steril në temperaturë 4°C, janë analizuar në laboratorin e CNR-ISPA në Milano, me qëllim që të vlerësojë praninë e mikroflorës bakteriale në faza të ndryshme të trajtimit.
REZULTATE
Te të gjitha mostrat e tre grupeve, të zbuluara në kohët T2 dhe T3, është vëzhguar një reduktim drastik i grumbullimit bakterial standart (CBS) me vlera të UFC/mL afër 0. Mundësia për të kombinuar terapinë endodontike konvencionale me një mjekim të ndërmjetëm që ka veti të spikatura antibakteriale mund të merrte një interes të rëndësishëm.
PËRFUNDIME
Një nga fazat më të rëndësishme të terapisë endodontike është ajo e "pastrimit dhe formësimit" (cleaning and shaping) të sistemit të kanaleve të rrënjës. Pastrimi i sistemit endodontik i besohet pra veprimit të solucioneve që përdoren për lagie. Një nga substancat e sistemit endodontik është hipokloruri i natriumit, që do të ishte në gjendje të përcaktonte një reduktim drastik të ngarkesës bakteriale ndër-rrënjësore. Jo të gjitha bakteret eliminohen dhe për këtë arsye disa autorë kanë sugjeruar nevojën që të bashkangjiten, larjet e kanaleve, mjekime të ndërmjetme me aktivitet antimikrobik. Nga kjo pikëpamje, rezultatet e arrira me oksidin e kalciumit në këtë studim in vivo duken inkurajuese.

Artikulli i plotë gjendet në seksionin Të ndryshme nga dentistria në Download Center.

Përktheu: Valbona Spahia