Riaftësimi endoskopik i kompleksit osteomeatal

Vitet e fundit, kirurgjia endoskopike nazo-sinusale është po konfermohet gjithnjë e më shumë duke zëvendësuar kështu kirurgjinë tradicionale dhe duke ndryshuar trajtimin kirurgjik të patologjisë inflamatore të kësaj pjese.

G. Padoan, T. Testori, F. Galli, A. Petrosino, S. Gallo, P. Castelnuovo

Vitet e fundit, kirurgjia endoskopike nazo-sinusale është po konfermohet gjithnjë e më shumë duke zëvendësuar kështu kirurgjinë tradicionale dhe duke ndryshuar trajtimin kirurgjik të patologjisë inflamatore të kësaj pjese. Një teknikë e tillë, që është shafaqur së pari në vitet '70 nga studimet e Messerklinger është përhapur më pas në të gjithë botën nga autorë europian si Stammberger, Wigand, Draf dhe Lund dhe nga autorë amerikanë si Kennedy dhe May.
Teknika kirurgjike e "ngritjes së sinusit të nofullës" shkakton një gjendje inflamacioni fizik të sinusit që lidhet me shkëputjen dhe heqjen e mucoperiosteal, me pasojë fryrjen e mukozës. Ky fenomen mund të durohet vetëm nëse sinusi gjenet në kushte eutrofizmi, pra me ventilim dhe transport muko-ciliar funksional. Objektivi i këtij punimi është që të përcaktojë rolin dhe treguesit e kirurgjisë endoskopike endonazale funksionale (FESS) te pacienti që është kandidat i ngritjes së sinusit të nofullës.
Është kryer një rishikim i literaturës ndërkombëtare përsa i përket kësaj tematike dhe është krahasuar me eksperiencën klinike të specialistëve otorinolaringologë dhe stomatologë.
Otorinolaringologu, me njohuritë dhe eksperiencën në fushën e endoskopisë nazale është specialisti i parë të cilit duhet t'i drejtohemi sa herë që ekziston një dyshim sado i vogël për patologji nazo-sinusale te pacientët që duhet t'i nënshtrohen ngritjes së sinusit të nofullës. Detyra e tij është që të kryejë diagnozën dhe të zgjedhi procesin e sinusit nëpërmjet terapisë mjekësore ose me anë të ndërhyrjes kirurgjike. Në periudhën post-operative, pacienti duhet t'i nënshtrohet kontrolleve të herë pas hershme. Integrimi dhe bashkëpunimi i dy ekipeve (otorinolaringolog/stomatolog) është në bazë të multidisiplinave të trajtimit të këtyre pacientëve, që të mund t'i japë më shumë garanci për rezultatin që po kërkohet gjithnjë e më shpesh. Odontostomatologu, nëpërmjet një historie të synuar, mund të bëjë screening fillestar të pacientëve që kanë nevojë për një vizitë specialiste otorinolaringologjike përpara ndërhyrjes së ngritjes së sinusit të nofullës. Në bazë të historikut, qëllimit klinik dhe testeve të mjeteve pacienti duhet të vlerësohet nëpërmjet një algoritmi racional vendimtar.

Artikulli i plotë gjendet në seksionin Të ndryshme nga dentistria në Download Center.

Përktheu: Valbona Spahia