Kurorat në zirkon apo kurorat metalike - qeramike. Cila garanton një konsumim më të vogël të dhëmbëve antagonist?

Konsumimi i dhëmbëve është një fenomen kompleks multifaktorial që përfshin ndërveprimin e faktorëve biologjik, mekanik dhe kimikë. Ai varet shumë nga lloji i okluzionit, nga toni muskulor, nga zakonet dietike individuale

Lara Figini

Konsumimi i dhëmbëve është një fenomen kompleks multifaktorial që përfshin ndërveprimin e faktorëve biologjik, mekanik dhe kimikë. Ai varet shumë nga lloji i okluzionit, nga toni muskulor, nga zakonet dietike individuale, nga prania e patologjive të gjymtyrëve dhe nga llojet e materialeve restauruese të përdorura në nivelin e zgavrës orale dhe nga disa para funksione.
Ngurtësia e materialeve nga restaurimet dentare ndryshon nga ajo e dhëmbëve natyral dhe është pra e ndryshme dhe nga shkalla e konsumimit që këto materiale mund të gjenerojnë te dhëmbët antagonist.
Përparimi i konsumimit të dhëmbëve ndikon në shëndetin e sistemit stomatognatik me pasojë humbjen e përmasave vertikale, problematikave estetike, rritjen e ndjeshmërisë së dhëmbëve dhe funksion të reduktuar gjatë përtypjes.
Për këto arsye është e rëndësishme të dihet nëse materialet më të përdorura sot në stomatologjinë protezike ofrojnë një konsumim te dhëmbët antagonist të ngjashëm me atë të dhëmbëve natyral ose më të madh dhe cilat midis këtyre materialeve rezulton më pak traumatik në termat e konsumimit të dhëmbëve antagonist.
Nga një studim i publikuar te Journal of Prosthetic Dentistry në shtator 2015 është parë që kurorat me zirkon sjellin një konsumim më të vogël të sipërfaqeve antagoniste në krahasim me kurorat metalike - qeramike, por sidoqoftë konsumimi është më i madh nga ai që sigurohet nga smalti natyral.
Autorët në studim kanë zgjedhur 10 pjesëmarrës të të dyja gjinive, midis moshës 18 dhe 35 vjeçare, që kërkonin një riaftësim me kurora protezike të poshtme në të dyja anët e nofullës dhe si antagonistë kishin dhëmbë natyral të shëndetshëm. Për çdo pjesëmarrës janë përgatitur një kurorë në zirkon dhe një kurorë metalike - qeramike dhe janë cementuar njëra në pjesën e djathtë dhe tjera në pjesën e majtë. Konsumimi i smaltit natyral kundër smaltit natyral është vlerësuar si grup kontrolli. Për të vlerësuar konsumimin e elementëve antagonistë (premolarë dhe molarë), janë marrë gjurmë në siloksan në kohën 0 (bazë) dhe 1 vit pas cementimit. Llogaritjet e rezultuara janë skanuar, duke përdorur një skaner me dritë të bardhë në 3D, dhe nëpërmjet software përkatës në 3D është llogaritur sasia maksimale e konsumimit linear.
Rezultatet e arritura te ky studim pas një viti nga cementimi i kurorave janë si më poshtë :
- Konsumimi i smaltit natyral antagonist me kurorat metalike - qeramike ishte 69.20 ± 4.10 mikron për dhëmbët premolar dhe 179.70 ± 8.09 mikron për dhëmbët molar.
- Konsumimi i smaltit natyral antagonist me kurorat në zirkon ishte 42.10 ± 4.30 mikron për dhëmbët premolar dhe 127.00 ± 5.03 mikron për dhëmbët molar.
- Ndërsa konsumimi i smaltit natyral kundër smaltit natyral ishte 17.30 ± 1.88 mikron në pjesën e premolarëve dhe me 35.10 ± 2.60 mikron në pjesën e molarëve.

Konsumimi okluzal i smaltit antagonist një vit pas cementimit të një kurore metalike - qeramike është në mënyrë të konsiderueshme më i lartë (P<0,001) në krahasim me kurorat në zirkon. Të dyja tipologjitë e riaftësimit protezik rezultojnë më shumë traumatike të smaltit natyral të dhëmbëve duke ofruar të dy materialet një konsumimim më të madh të sipërfaqeve antagoniste në krahasim me atë që sigurohet nga konsumimi smalt natyral kundër smaltit natyral gjatë përtypjes.

Nën kujdesin e: Lara Figini, Koordinatore Shkencore e Odontoiatria33

Bibliografia:
Clinical study to evaluate the wear of natural enamel antagonist to zirconia and metal ceramic crowns. KailasMundhe,Veena Jain,Gunjan Pruthi, e Naseem Shah ; Journal of Prosthetic Dentistry 2015 Sep;114(3):358-63.

Përktheu: Valbona Spahia