Përtypja e çamçakëzit heq pllakën bakteriale njësoj si filli dentar

Një studim kërkimor nga Stefan Wessel, që ka lindur si bashkëpunim midis University Medical Center në Groningen dhe Departamentit të inxhinierisë Biomjekësore

Davis Cussotto

Një studim kërkimor nga Stefan Wessel, që ka lindur si bashkëpunim midis University Medical Center në Groningen dhe Departamentit të inxhinierisë Biomjekësore të të njëjtit qytet në Hollandë ka treguar sesi në brendësi të çamçakëzit mblidhet një sasi e madhe e pllakës bakteriale, duke zhvilluar një veprim pastrues.
Kërkuesit kanë përdorur çamçakëzin në treg, pa sheqer dhe me shije mente. Testet janë kryer qoftë in vitro, me manipulimin manual të çamçakëzit, qoftë in vivo në grupe vullnetarësh. Grumbullimet bakteriale "të bllokuara" te çamçakëzi, pas 10 minutash nga aktiviteti, janë përcaktuar me dy metodika të laboratorit colony-forming units (CFU) dhe quantitative polymerase chain reaction (qPCR).
Rezultatet e marra kanë vënë në dukje sesi sasia e baktereve të "ngecura" te çamçakëzi është maksimale në fazat e fillimit të përtypjes dhe zvogëlohet me kalimin e kohës.
Furça dhe filli dentar qëndrojnë si dy ndër elementët më të zgjedhur për pastrimin e të gjitha zonave të gojës, theksojnë studiuesit. "Çamçakëzi nuk duhet të shihet si një zëvendësues i tyre por si një element shtesë për të dyja teknikat."
Studimi, rezutatet e të cilit gjenden edhe online në website - in e PLOS, parashikon zhvillime të shumta që synojnë seleksionimin e substancave në gjendje për të "bllokuar" në mënyrë selektive shtame të caktuara patogjene, që do të gjenin indikacione në trajtimin e sëmundjes parodontale.

Nën kujdesin e: Davis Cussotto, stomatolog profesionist i lirë.

Përktheu: Valbona Spahia