Stomatiti nga proteza. Një studim anglez ka studiuar origjinat duke treguar 5 faktorët që e favorizojnë

Candida është mbajtur gjithmonë si përgjegjësia e stomatitit te pacientët që mbajnë protezë totale. Një studim i fundit i publikuar te PLOS vë në dukje që situata është më komplekse dhe mund të flitet për një mikrobiomë të vërtetë

Davis Cussotto

Candida është mbajtur gjithmonë si përgjegjësia e stomatitit te pacientët që mbajnë protezë totale. Një studim i fundit i publikuar te PLOS vë në dukje që situata është më komplekse dhe mund të flitet për një mikrobiomë të vërtetë (tërësia e mikroorganizmave simbiotikë të kanalit të ushqimit) karakteristik i personit që mban protezë.

Lindsay E. O'Donnell, e Glasgow Dental School, ka drejtuar një grup studiuesish Holandez dhe Britanikë në studimin që ka krahasuar diferencat në mikrobiomën orale midis personave që mbajnë protezë të lëvizshme dhe atyre që nuk mbajnë.
Stomatiti nga proteza është një sëmundje që prek 30% deri në 70% të personave që mbajnë protezë të lëvizshme dhe ka 5 faktorë favorizues:
1) Paqëndrueshmëria e punimit të protezës që shkakton trauma te mukoza
2) Reduktimi i fluksit të pështymës
3) Përdorimi i barnave sistemikë
4) Duhan pirja
5) Abuzimi me pijet alkoolike gjen te Candida Albicans faktorin etiologjik kryesor
Për të realizuar studimin studiuesit kanë përfshirë 123 pacientë, 80 gra dhe 43 burra me moshë mesatare 70.7 vjeç. Nga këto dy të tretat mbajnë proteza totale ndërsa pjesa e mbetur protezë të pjesshme me të paktën një dhëmb natyral ende të pranishëm në gojë.
37% e kampionëve ka patur episode me stomatit.

Studiuesit kanë përfshirë në këtë hetim:
A) Kampionë të florës bakteriale të marrë nga proteza e lëvizshme me ultratinguj të kultivuar më pas në terrene të posaçme për kultivim
B) Studimi i peptideve antimikrobike ose AMP një grup i diferencuar i molekulave aktive në përgjigjen e parë të imunitetit kundër patogjeneve; të marra nga pështyma janë titulluar me teknikat ELISA.
Zbulimi i rëndësishëm është që kampionët që vijnë nga protezat përbëheshin më parë nga Bacili dhe Aktinobakteret që përbëjnë vetëm një fraksion të kufizuar (30%) në pllakën bakteriale "fiziologjike" të kavitetit oral. Titullimi i AMP nuk ka treguar ndonjë lidhje me stomatitin.
Dhëmbët e mbetura, edhe nëse janë pak, ndikojnë në përbërjen e mikrobiomës që ka si tendencë të modifikohet në rastet e pacientëve pa asnjë dhëmb.
Ky hetim, që ka nevojë për thellime të mëtejshme, mund të sjellë sigurisht ndryshime të protokolleve terapeutikë.

Nën kujdesin e: Davis Cussotto, stomatolog

Përktheu: Valbona Spahia