Studimi klinik vëzhgimor mbi përdorimin e urave Maryland në kompozitë të përforcuar me fibra (FRC): sukseset dhe dështimet në 5 vite

Urat Maryland në kompozitë të përforcuar me fibra (FRC) janë tipologji protezash fikse të pjesshme (FPD) që janë propozuar për të riaftësuar hapësira të reduktuara pa dhëmbë qoftë tek individë adoleshentë qoftë te të rriturit.

E. Spinas, M.Aresu, F. Canargiu

Urat Maryland në kompozitë të përforcuar me fibra (FRC) janë tipologji protezash fikse të pjesshme (FPD) që janë propozuar për të riaftësuar hapësira të reduktuara pa dhëmbë qoftë tek individë adoleshentë qoftë te të rriturit. Përfaqësojnë një alternativë evolutive në krahasim me urat Maryland tradicionale me strukturë metalike me dy kapje fundore në formë krahu dhe një urë me elementë në materiale estetik për të zëvendësuar dhëmbin që mungon.
Ky lloj i urave Maryland përodet shpesh në zëvendësimin e përkohshëm të elementëve dentar agenesis, në pritje të trajtimeve përfundimtare të protezave dhe implanto - protezik.
Studimi i Spinas, Aresu dhe Canargiu i Universitetit të Cagliari - t ka përfshirë një numër të gjerë kampionësh me 50 individë, të rritur dhe adoleshent, që i nënshtrohen trajtimit riaftësues me FPD-FRC dhe ka hetuar sjelljen orale të punimeve të realizuara me teknikën framework indirekte.
Pas 5 vitesh të kontrollit të 67 FPD-FRC kanë rezultuar të papërshtatshëm 7 punime: 4 për shkak të dështimit të strukturës dhe 3 të tjerat për shkak të fenomeneve infiltrative të vulës margjinale.
Nga të dhënat e paraqitura rezulton që riaftësimi i zonave të pjesshme pa dhëmbë  jo në të gjithë harkatën e dhëmbëve (gjerësia maksimale 8 mm) mund të jetë në mënyrë të vlefshme e kryer me punime fikse të tipit FPD -FRC. Këto punime kanë treguar mbajtjen e kërkesave të mjaftueshme funksionale dhe estetike; veçanërisht, në fund të periudhës së vëzhgimit, te grupi i adoleshentëve me 32 punime të vendosura plot 30 paraqisnin funksionin normal, ndërsa grupi i të rriturve me 35 FPD-FRC të vendosura, 30 paraqisnin funksionin normal.
Raporti kosto/përfitim në lidhje me teknikat tradicionale riaftësuese dhe reduktimi i heqjes së indeve dentare të nevojshme për vendosjen, aspekt shumë i rëndësishëm në rastin e pacientëve me moshë të re, janë faktorë që duhet të merren në konsideratë me kujdes. Edhe kohët e vendosjes përfundimtare mund të jenë të kufizuara dhe rezultati estetik komplesiv i pranueshëm.

Përmbledhje e punuar nga Anna Maria Melica, Koordinatore Shkencore e "Dental Cadmos"

Përktheu: Valbona Spahia

Fig. 1 Rasti 1: Agenesis e incizivit të sipërm në anën e djathtë (pamje ballore)

Fig. 2 Agenesis e incizivit të sipërm në anën e djathtë (pamje okluzale)

Fig. 3 Dizenjo dhe përhapja e përgatitjes së FPD e modelit në shkumës

Fig. 4 Pacienti me FPD - FRC (kontrolli pas një viti)

Fig. 5 Rasti 2: Situata fillestare: mungesa e molarit të parë në nofullën e poshtme

Fig. 6 Heqja e mbushjes para ekzistuese në kompozitë dhe përgatitja e kutisë mbajtëse

Fig. 7 Punimi FPD-FRC në modelin e shkumësit, përmasa e urës është e asimilueshme me atë të një premolari (pamje linguo - okluzale)

Fig. 8 Pamja orale e FPD-FRC: kontrolli pas tre vjetësh

Fig. 9 Punimi i përfunduar në modelin e shkumësit

Fig. 10 Punimi i përfunduar në gojë

Për të votuar duhet të vendosni kredencialet tuaja në Medikey

Interesant ( 115 votim / mesatar 3 )