Të parandalosh fillimin e kariesit duke analizuar mikrobiotën orale dhe zhvillimin e DMFT. Një studim amerikan ka treguar aplikimin

A mund të parandalojmë kariesin e hershëm te fëmijët? Duket se po, të paktën sipas revistës Cell Host & Microbe që vë në dukje sesi mikrobiota orale është një shënues i shkëlqyer biologjik i kariesit.

Davis Cussotto

A mund të parandalojmë kariesin e hershëm te fëmijët? Duket se po, të paktën sipas revistës Cell Host & Microbe që vë në dukje sesi mikrobiota orale është një shënues i shkëlqyer biologjik i kariesit.
Mikrobiologjia mjekësore ka futur konceptin e "mikrobiotës njerëzore" për të përcaktuar bashkësinë e mikroorganizmave që jetojnë në simbiozë në kanalin ushqimor të njeriut.
Në veçanti në zgavrën e gojës mikrobiota ka karakteristika dinamike që ndryshojnë jo vetëm sipas moshës së fëmijës por edhe sipas pranisë së lezioneve të kariesit të hershëm.

Autorët e studimit kanë zhvilluar një model të quajtur Microbial Indicators of Caries ose MIC që është në gjendje të parashikojë, me 81% saktësi, fillimin e kariesit të hershëm ose ECC (Early Childhood Caries) në kampionë të perceptuar "klinikisht si të shëndetshëm". E dhëna më e rëndësishme është që pikërisht gjatë fazë së fillimit të ECC mikrobiota orale ka ndryshimet më të rëndësishme.
Studimi i realizuar nga studiuesit Sun Yat-Sen Universiteti i Guangdong (Kinë)i udhëhequr nga prof . Fei Teng në bashkëpunim me Universitetin e Kalifornisë (San Diego) ka ekzaminuar 50 fëmijë të moshës 4 vjeç për dy vjet, gjatë të cilave janë kryer marrje të kampionëve të pllakës bakteriale dy herë në vit.

Duke aplikuar DMFT( indeksi epidemiologjik që vlerëson përhapjen e dhëmbëve të prishur), të dhëmbëve të humbur dhe atyre të mbushur (decayed, missing, and filled teeth), studiuesit kanë ndarë kampionët në tre nëngrupe fillestare të quajtura:
A) Të shëndetshëm me DMFT = 0
B) Me nivel të ulët të kariesit DMFT nga 1 deri në 6
C) Me nivel të lartë të kariesit DMFT më e madhe se 6
Autorë kanë aplikuar më pas analizën e MIC dhe kanë analizuar ndryshimet hapësiro - temporale të mikrobiotës orale dhe zhvillimit të DMFT.

Në bazë të këtyre parametrave fëmijët janë ndarë në 3 nëngrupe të tjera përfundimtare:
1) "Mungesë e kariesit" në harkun e kohës së studiuar (17 fëmijë)
2) "Fillimi i ECC" (21 fëmijë)
3) "Karies i dukshëm" (12 fëmijë në nëngrupin e fillimit B/C) në të cilët patologjia e kariesit ka evoluar me shpejtësi.
Për të verifikuar hipotezën e punës që MIC janë në gjendje të diagnostikojnë me saktësi kariesit e hershëm, studiuesit i kanë përdorur për të parandaluar ECC - në tek individët e grupit A.
81% e kampionëve të pllakës bakteriale në fakt kanë parashikuar saktësisht fillimin e kariesit.
Këto rezultate, komenton Teng, theksojnë rëndësinë e mikrobiotës së njeriut si shënues biologjik jo vetëm i kariesit por edhe sëmundjes parodontale.

Nën kujdesin e: Davis Cussotto, stomatolog

Përktheu: Valbona Spahia