Qasja bilaminare për trajtimin e recesioneve në sektorin frontal të poshtëm

Pamja jo estetike e sjellë nga ana e pacientes është për shkak të pranisë së recesioneve në të gjithë sektorin e poshtëm. Në instancën e parë dhe në përputhje me nevojat estetike të pacientes vendoset të korrigjohet defekti tek incizivët qendror të poshtëm

Giacomo Santoro

Pacientja, femër 25 vjeç, jo duhan pirëse, paraqitet në vizitën e parë në fund të një terapie ortodontike duke u ankuar për një shqetësim estetik në harkatën e poshtme.
Anamneza mjekësore e pacientes rezulton negative për çdo patologji sistemike dhe gjendja stomatologjike e përgjithshme nuk shfaq ndonjë lezion që duhet vënë në kontekst primar.
Pamja jo estetike e sjellë nga ana e pacientes është për shkak të pranisë së recesioneve në të gjithë sektorin e poshtëm. Në instancën e parë dhe në përputhje me nevojat estetike të pacientes vendoset të korrigjohet defekti tek incizivët qendror të poshtëm, 4.2 4.1 3.2 të karakterizuar nga recesione të klasifikueshëm si Klasa I Miller (4.2 dhe 4.1) dhe Klasa II Miller nënlloji (3.2) (Foto 1).

Faza e parë, i përket menaxhimit të higjienës orale, përqendrohet te teknika e larjes së dhëmbëve të pacientes, duke e mësuar për një teknikë të saktë të higjienës orale që verifikohet më pas nëpërmjet vizitave të programuara përpara se të procedohet me pjesën kirurgjike që fillimisht do të jetë e përqendruar në korrigjimin e defekteve në sektorin e incizivëve dhe me stabilizimin e indeve parodontale përpara se të procedohet me korrigjimin e defekteve në sektorët e poshtëm me kirurgji pasuese.

Në këtë pikë procedohet me ndërhyrjen kirurgjike muko - gingivave (shikoni videon më poshtë) me teknikën bilaminare për mbulimin e recesioneve të karakterizuar nga një plagë me trashësi të përzier të spostuar deri te kurora e dhëmbit e mbuluar nga një bashkim lidhës - epitelial me origjinë qiellzore me humbjen e veshjes epiteliale në pjesën jashtë gojës.

Duke u mbështetur në një biotip të hollë dhe të mbuluar, realizohet një çarje me prerje horizontale ndërdhëmbore midis 4.2 4.1 3.2 dhe dy prerje të pjerrëta në kryqëzim distal te 4.2 dhe 3.2. tehu i bisturisë mbahet me pjerrësi 45° në lidhje me planin e mukozës që shtrihet në mukozën alveolare.
Pasi është kryer shkëputja e plagës me trashësi të përzier procedohet me një muskolektomi dhe një zhveshje epiteliale të papilave anatomike, duke pastruar sipërfaqet e rrënjëve me mjete manuale dhe ultrasonike.
Një bashkim lidhës që është zhveshur më parë nga epitelet dhe është projektuar për të patur përmasat e duhura, vendoset dhe qepet me pika të riabsorbueshme në acid poliglikolik (PGA) 7/0. Pasi është verifikuar oksidimi efikas i plagës procedohet me vendosjen me qepje teke të riabsorbueshme në PGA 6/0 te shkarkimet dhe me qepje të ndërprera për afrimin e saktë të papilave kirurgjike me ato ato anatomike në zonat ndërdhëmbore, duke marrë një mbulim total të kryqëzimit.
Pacientes i këshillohen shpëlarje me solucion me bazë klorheksidine 0.2 tre herë në ditë për 2 javë duke shmangur larjen me furçë në pjesët ku është kryer ndërhyrja kirurgjike dhe duke mbajtur një dietë korrekte.
Heqja e penjve bëhet pas 14 ditësh.
Pas 10 muajsh vërehet një mbulim i plotë i rrënjës së 4.2 4.1 3.2 me arritjen e harmonisë estetike që dëshirohet (Foto 2).

Falënderohet për bashkëpunimin dr. Lorenzo Valentini

Përktheu: Valbona Spahia