Identifikimi i kanalit të dytë mesio - vestibular te molarët e sipërm: përdorimi i CBCT

Molari i dytë në nofullën e sipërme ka sistemin kanakar më kompleks nga të gjithë molarët (Badole 2012 dhe Zhang 2011). Një përqindje e lartë e dështimeve terapeutike te këto dhëmbë është për shkak të pamundësisë për të lokalizuar

Lara Figini

Molari i dytë në nofullën e sipërme ka sistemin kanalar më kompleks nga të gjithë molarët (Badole 2012 dhe Zhang 2011). Një përqindje e lartë e dështimeve terapeutike te këto dhëmbë është për shkak të pamundësisë për të lokalizuar, rregulluar dhe mbushur kanalin e dytë mesio-vestibular (MB2) i pranishëm në të njëjtën rrënjë [Weine 1969]. Frekuenca e kanalit MB2 varet edhe nga faktorë si raca, mosha dhe gjinia.
Zbulimi i tij sipas studimeve in vitro varion nga 29% deri në 100% [Vetrucci 1984, Schawarze 2002], ndërsa për studimet in vivo varion nga 19,7% dhe 51,1% [Al-Fouzan 2013; Stropko 1999].
Futja së fundmi e tomografisë së kompjuterizuar cone-beam (CBCT), përveç aplikimeve të saj të shumta, është edhe mjaft e dobishme në identifikimin e kanalit mesio-bukal (MB2) në rrënjët e molarëve të sipërm.
Në një studim të fundit të publikuar te Journal of Endodontics në tetor 2015 autorët kanë marrë në konsideratë 60 molarë të hequr që i kishin të gjithë rrënjët dhe kurorat, 3 rrënjë, rrënjët pa përkulje të theksuara, pa shenja të dukshme të riabsorbimit të rrënjës së jashtme dhe të brendshme, të pa trajtuar në mënyrë endodontike, pa karies të rrënjës dhe/ose pa restaurime. Pasi është kryer futja në dhomën e pulpës së dhëmbit, ato janë ekzaminuar nga 2 profesionit në mikroskopin dentar (DOM) (Kaps 1100, Kaps GmbH, Asslar/Wetzlar, Gjermani) për të vlerësuar ekzistencën e një kanali MB2. Pas analizës së DOM janë ndërtuar dy grupe:
Grupi 1: rrënjët (n = 30) me prani të dukshme të kanalit MB2
Grupi 2: rrënjët (n = 30) me mungesë të dukshme të kanalit MB2
Kanalet janë trajtuar në mënyrë endodontike dhe janë mbushur, përveç kanaleve MB2. Janë kryer pra radiografi me CBCT dhe imazhet e marra janë vlerësuar nga 2 ekspertë radiologë, dy herë, në mënyrë të pavarur.

Rezultatet e marra janë si në vijim: në grupin 2, 30 dhëmbët, të diagnostikuar pa MB2 në ekzaminimin DOM, te 6 dhëmbë (20%) imazhet CBCT kanë treguar se kanë kanalin MB2.
Besueshmëria midis vëzhguesve, siç është vlerësuar nga Cohen kappa, rezulton të jetë e shkëlqyer (R=0,89). Ndjeshmëria e CBCT për zbulimin e MB2 rezulton të jetë 96%, specifika 100% dhe saktësia totale 98%.
Imazhet e marra me hetimin CBCT ofrojnë të dhëna të sakta mbi praninë e kanalit MB2 te molarët e sipërm: në fakt, tek grupi i dhëmbëve të vëzhguar në mikroskop dhe të gjykuar si pa MB2, ekzaminimi CBCT i ka zbuluar në fakt në 20% të rasteve të ekzaminuar.

Nën kujdesin e:Lara Figini, Koordinator Shkencor i Odontoiatria33

Përktheu: Valbona Spahia