Si të menaxhojmë një vrimë në qiellzë. Rasti klinik i trajtuar nga literatura

Lara Figini

Abuzimi me kokainën është rritur shumë në të gjithë botën këto dhjetëvjeçarët e fundit dhe thithja me hundë paraqet metodën më të zakonshme të marrjes së saj.
Kontakti i shpeshtë ose kronik direkt i kokainës nëpërmjet thithjes me mukozën nazale çon në ishemi të vazhdueshme, inflamacion, mikro-nekrozë, infeksion, makro-nekrozë që mund të çojë në formimin e një vrime (Fig. 1).

Lezionet e dokumentuara më shpesh janë:
- shpim i murit nazal,
- shkatërrim i mureve anësore të kavitetit nazal,
- shpim me nekrozë në qiellzë.
Sipas një studimi të Trimarchi dhe bashkëpunëtorëve të tij ndryshimet e flegrave të hundës paraqiten me një përqindje prej 68% dhe shpimi i qiellzës është vënë re në 25% të pacientëve. Menaxhimi i këtyre problematikave përbëhet nga: menaxhimi i një kombinimi antibiotikësh, ndërtimi i protezave të lëvizshme dhe rregullimi i defektit me anë të kirurgjisë.
Menaxhimi i protezës së defekteve të qiellzës shpesh rezulton të jetë themelor për rivendosjen e shqiptimit dhe gëlltitjes.

Në një tjetër studim të Rilo dhe bashkëpunëtorëve të tij, të publikuar në numrin e tetorit 2015 të Journal of Prosthodontics përshkruhet një rast klinik i janar 2012, një grua 31 vjeç, e varur nga kokaina, që për shkak të thithjes për një kohë të gjatë të kësaj të fundit kishte bllokim të hundës, mungesë të nuhatjes, zvogëlim të ndjesisë së shijes, fistul oro-nazale (Fig.1) me derdhje të lëngjeve. Ndërhyrja kirurgjikale ishte kryer po pa sukses (si pasojë e vazhdimit të abuzimit me drogë nga ana e gruas) një vit më parë, me rihapjen e fistulës pas 6 muajsh nga kryerja e plastikës së qiellzës.
Autorët kanë ndjekur procedurat e mëposhtme:
Pasi kanë kryer manovrat e higjienës orale profesionale bazë kanë realizuar një mbushje të lëvizshme pasi kanë marrë masat e nevojshme. Proteza përfshinte një strukturë me lidhje krom - kobalt (Wironium Inoltre; Bego, Brema, Germania) dhe rezinë për të funksionuar si mbushje (shiko figurën 2 dhe 3).
Mbushja në formë proteze të lëvizshme paraqet një mënyrë të thjeshtë dhe efikase për menaxhimin e një defekti në qiellzë, si krijimi i një vrime për shkak të thithjes kronike dhe abuzimit me kokainë. Kjo mbushje pengon komunikimin oro - nazal dhe penetrimin në kavitetin sinusal të lëngjeve që konsumohen nga goja apo të ushqimeve, duke lehtësuar edhe shqiptimin dhe gëlltitjen. Përveç kësaj rezina akrilik përshtatet lehtësisht me ndryshimet në përmasa të defektit të qiellzës.

Nën kujdesin e: Lara Figini, Koordinatore Shkencore e Odontoiatria33

Bibliografia:
1) Prosthetic Management for a Palatal Perforation from Cocaine Abuse, Benito Rilo, Noelia Fernández-Formoso, Luis DaSilva, Joâo Carlos Pinho and Laura Lago. Journal of Prosthodontics October 2015 Volume 24,Issue 7 Pages 525-524
2) Trimarchi M, Nicolai P, Lombardi D, et al: Sinonasal osteocartilaginous necrosis in cocaine abusers: experience in 25 patients. Am J Rhinol 2003;17:33-43