Avancimi maksilo - mandibular është efikas tek apnea e gjumit

Sipas një studimi të publikuar te Jama Otolaryngology-Head & Neck Surgery, pacientët me çrregullime të rënda të gjumit kanë probabilitetin më të madh për të marrë përfitime nga avancimi maksilo - mandibular.
Teknika kirurgjike, e kryer nga viti 1986 për trajtimin e ndërprerjeve të përkohshme të frymëmarrjes që pengojnë gjumin, është përdorur prej më shumë se 50 vitesh në kirurgjinë orto - gnatike për korrigjimin e dysmorphisms dento - facial. Me përdorim racional është zgjerimi i skeletit të fytyrës, që lejon të vihen në tension strukturat e buta të mureve të faringut duke zvogëluar ose duke ndaluar kolapsin falë ripozicionimit më përpara të gjuhës dhe të ngurtësimit të strukturave muskulore të qafës, qiellzës dhe faringut.

Fillimisht avancimi maksilo - mandibular konsiderohej një ndërhyrje invazive alternative në trakeotomi, por studime të ndryshme kanë propozuar më pas përdorimin e tij si opsion kirurgjik i linjës së parë te pacientët me ndërprerje të përkohshme të frymëmarrjes që pengojnë gjumin, veçanërisht tek ato që kanë vështirësi për të toleruar trajtimin me presion pozitiv të vazhdueshëm.
" Lidhja e karakteristikave para - operative që zhvillohen pas operacionit mund të lejojë shtresëzimin e pacientëve duke kontribuar në seleksionimin e tyre në bazë të mundësisë për të arritur një përmirësim të konsiderueshëm me avancimin maksilo - mandibular" shpjegon Soroush Zaghi i David Geffen Scool of Medicine në Universitetin e Kalifornisë (Los Angeles), që bashkë me kolegët e tij ka kryer një gjysmë - analizë duke zgjedhur nga literatura 45 studime për një total prej 518 pacientësh me ndërprerje të përkohshme të frymëmarrjes që pengojnë gjumin, të cilët i janë nënshtruar avancimit maksilo - mandibular.

"Kemi analizuar modifikimet e treguesve të apnea - s dhe hipopnea - s dhe çrregullimeve të frymëmarrjes, të dyja masa të gjendjes së rëndë të çrregullimeve të gjumit pas ndërhyrjes, duke zbuluar që avancimi maksilo - mandibular lidhet me përmirësimet themelore të parametrave" - pohon studiuesi, duke saktësuar që përfitimi është vëzhguar në 512 persona nga 518. Nga të dhënat rezulton se ata që mund të kenë mundësi të shkëlqyera përmirësimi të ndërprerjes së përkohshme të frymëmarrjes gjatë gjumit pas avancimit maksilo - mandibular janë pacientët me tregues të lartë të apnea - hipopnea dhe çrregullime të frymëmarrjes pavarësisht ndërhyrjeve korrigjuese të mëparshme kirurgjike.
"Të dhënat tona lejojnë që të dalim në përfundimin se avancimi maksilo - mandibular është një trajtim shumë efikas i ndërprerjeve të përkohshme gjatë gjumit dhe që pacientët me format më të rënda kanë si tendencë të përfitojnë në shkallën maksimale të ndërhyrjes" - thotë Zaghi.

Përktheu: Valbona Spahia