Cilët faktorë ndikojnë në shkallën e kënaqësisë së një personi që ka protezë totale?

Prof. Sara Alfadda e King Saud University në Riyadh ka publikuar në revistën JADA (Journal of the American Dental Association) në shtator raportin e një studimi të kryer për të kuptuar shkallën e kënaqësisë së një personi që mban protezë totale.
Për të realizuar studimin janë marrë në ekzaminim 124 pacientë që mbanin protezë totale nga viti 2009 deri në 2013.

Pacientët janë vlerësuar nga 3 stomatologë të cilët nuk kanë qenë të përfshirë në realizimin e protezave, ata kanë vlerësuar estetikën, qëndrueshmërinë, saktësinë okluzale. Pacientët janë ftuar për të dhënë votën e tyre, nga 1 (të pakënaqur) deri në 5 (të kënaqur), nëpërmjet një pyetësori vetëvlerësimi që ekzaminonte: qëndrueshmërinë, komfortin, aftësinë fonetike, estetikën.

Pikët mesatare që janë zbuluar nga prof. Alfadda ishin 3,6 për ato që kanë protezë në njërën nga harkatat e dhëmbëve dhe 4,0 për të dyja harkatat. Lidhja e rëndësishme në mënyrë statistikore është zbuluar ndërmjet kujdesit okluzal të zbuluar dhe shkallës së kënaqësisë së pacientit.
Pacientët pa dhëmbë kanë në ditët e sotme mundësinë për të zgjedhur midis një game të gjerë zgjidhjesh riaftësuese por proteza totale, falë edhe mbështetjes ekonomike, është një zgjidhje riaftësuese që mund të kënaqë pacientët.

Faktorët që ndikojnë më shumë shkallën e kënaqësisë së pacientit janë 4:
1) Qëndrueshmëria e punimit e arrirë me përdorimin e dy fiksuesve me implant dhe nga mbajtja e thjeshtë e nofullave.
2) Lidhja e saktë midis muskulaturës së gojës dhe kreshtës së mbetur që ndikon komfortin, qëndrueshmërinë e protezës dhe shqiptimin.
3) Cilësia e indeve të buta dhe fluksi i pështymës ndikojnë përshtatjen e protezës.
4) Raporti pozitiv mjek - pacient i përfunduar me shpërndarjen psikologjike të riaftësimit.

Ky i fundit, aspekti komunikues i marrëdhënies së përfunduar me përfshirjen psikologjike të vetë pacientit është faktori më i rëndësishëm për kënaqjen. Rëndësia e instruksioneve të dhëna përpara dhe pas dorëzimit të protezës dhe follow up - it të saj në kohë.

Nën kujdesin e: Davis Cussotto, stomatolog

Përktheu: Valbona Spahia