Ndryshimet në zgavrën e gojës dhe strategjitë parandaluese në menopauzë

Periudha e menopauzës karakterizohet nga ndryshime fiziologjike të rëndësishme në trupin e gruas, që lidhen kryesisht me prodhimin e reduktuar të estrogjenit. Pasojat e një mungese të tillë hormonale shënohen më shumë në rastet e menopauzës së parakohshme, veçanërisht nëse nuk janë marrë terapi të përshtatshme hormonale. Disa ndryshime të rëndësishme kanë të bëjnë me zgavrën e gojës, me shfaqjen e dhimbjeve të përhapura, inflamacion të gingivave, ndjesi djegieje, ndryshim i katër shijeve kryesore (e ëmbël, e kripur, e hidhur dhe e thartë), goja e thatë, humbja e dhëmbëve dhe riabsorbimi i kockës në alveolat dentare. Ndryshimet hormonale dhe ato të natyrshme në sferën mikrobiologjike ndikojnë edhe te goja. Mund të verifikohet një reduktim i sekrecioneve të pështymës dhe një tharje e lehtë dhe irritim i mukozave dhe i gingivave, që çojnë në gingivo - stomatit nga menopauza. Gjendjet kryesore orale që mund të shfaqen në menopauzë janë:
• Osteoporoza;
• Parodontopatitë (parodontiti, ginigiviti, gingiviti deskuamativ);
• Stomatopyrosis;
• Kserostomia.

Ndryshimet hormonale të organizmit të femrës kontribuojnë në rritjen e incidencës së kariesit dhe problemeve me gingivat. Është e nevojshme t'i kushtohet vëmendje higjienës orale duke kryer kontrolle të shpeshta. Rritja e hormoneve në fazën menstruale përcakton një reaktivitet më të madh të gingivave në krahasim me pllakën bakteriale; gjatë shtatzënisë 60 - 75 % e nënave të reja preken nga gingivitis, i karakterizuar nga skuqja, edema dhe gjakosja. Edhe menopauza, që shënohet nga një prodhim i reduktuar i estrogjenëve, ka pasoja të shumta në zgavrën e gojës: tendencë për inflamacion të gingivave, modulim të ndryshuar të shijeve kryesore (e ëmbël, e kripur, e hidhur dhe e thartë) dhe goja e thatë. Masat për parandalimin e infeksioneve parodontale duhen shpjeguar me kujdes, duke theksuar arsyet e heqjes së shpeshtë të gurzave duke ju shtuar një trajtim i përpiktë në shtëpi.
Në periudhën e menopauzës dhe postmenopauzës mund të verifikohen ndryshime të rëndësishme në gjendjet orale të pacienteve. Këto gjendje patologjike janë tipike të fazës hormonale që i intereson të gjithë trupit të femrës dhe që sjell në nevoja të reja për ndërhyrje nga ana e mjekut. Problematika si osteoporoza, parodontopatitë, stomatopyrosis dhe kserostomia monitorohen, parandalohen dhe mundësisht kurohen me protokollë specifikë.

Artikullin e plotë e gjeni duke klikuar këtu.

Përktheu: Valbona Spahia