Stomatit nga proteza: një formulim i ri i rezinës mund të reduktojë fillimin e tij

Lara Figini

Stomatiti nga proteza nuk është aspak i pazakontë dhe gjeneron dhimbje në mukozën orale, shqetësime, ndryshime të shijes që së bashku përcaktojnë një mosfunksionim të përtypjes, që nëse vazhdon për një kohë të gjatë mund të sjellë një raport të reduktuar të ushqyerjes. Një nga shkaqet kryesore të stomatitit nga proteza është rritja e tepërt e një kërpudhe, Candida albicans, e njohur si Candida që lidhet me stomatitin nga proteza (CADS).

Për fat të keq strategjia terapeutike kundër CADS nuk është vendosur ende përfundimisht. Ekzistojnë në treg agjentë antikërpudhor që merren nëpërmjet rrugëve orale, si amfotericina B, Nystatin dhe Miconazole dhe barna të tjera sistemikë antikërpudhor, por efektet e tyre duket se janë të kufizuara.
Në një studim të fundit të publikuar te Journal of Dentistry në janar 2016 vërehet që shtimi i rezinës tradicionale metakrilate, e përdorur për strukturën e protezës totale, me një përbërje me bazë pjesëzash të jonomereve të xhamit të para ngurtësuara e përkufizuar si S-PRG do të kishte fuqinë të reduktonte ngjitjen e Candida albicans në rezinën e protezës duke reduktuar si pasojë, rrezikun e stomatitit.
Mbushja me jonomere xhami (S-PRG) përbëhet nga pjesëza të formuara nga një reaksion acid-bazë të xhamit fluoro-alumino-silikat me acidin poliakrilik dhe është në gjendje të lëshojë gjashtë lloje jonesh (Na+, Sr2+, SiO3 2 , Al 3-, BO3 3- dhe F-).

Te studimi në fjalë autorët kanë përgatitur disqe polimetilakrilat metakrilat (PMMA), material bazë për strukturën e protezave totale të lëvizshme dhe ato të pjesshme, duke inkorporuar S-PRG si mbushje në formë pluhuri në përqindje të ndryshueshme nga 5 deri në 20%. Janë matur ashpërsia e sipërfaqes së disqeve dhe lëshimi i joneve mundësisht aktive dhe sasia e biofilmit me lidhje të veçantë me sasinë e Candida albicans.

Nga rezultatet e marra nga ky studim autorët kanë mundur të konstatojnë një rritje të lehtë, por të rëndësishme të ashpërsisë së sipërfaqes me rritjen e përqindjes së mbushjes së inkorporuar. Pavarësisht kësaj aktiviteti metabolik dhe volumi total i biomasës janë rezultate në mënyrë të konsiderueshme më të ulëta në të gjithë grupet e mbushjes në krahasim me grupin e kontrollit.
Kërkimi sugjeron që ngjitja e C. Albicans reduktohet kurdo që inkorporohet në rezinën e protezave totale mbushja me bazë jonemeresh xhami S-PRG. Studime të fundit klinike tek ato që mbajnë proteza për të verifikuar fillimin e vërtetë klinik të stomatitit nga proteza te pacientët që mbajnë punime të parashikuara nga kjo rezinë inovative metakrilike.

Nën kujdesin e: Lara Figini, Koordinatore Shkencore e Odontoiatria33

Përktheu: Valbona Spahia