Riaftësimi estetik i pjesës së përparme: menaxhimi i formës dhe ngjyrës me materiale metal-free

Nicola Gondoni

HYRJE
Në këtë artikull përshkruhen fazat për menaxhimin e formës dhe të ngjyrës me qëllim që të arrihet me sukses riaftësimi i një incizivi qendror. Zëvendësimi i një dhëmbi në sektorin e përparmë është për teknikun e dhëmbëve një nga sfidat që gjithmonë është konsideruar e vështirë, duke qenë se numri shumë i lartë i faktorëve kontribuojnë qoftë në arritjen e rezultatit qoftë në dështim.

OBJEKTIVI
Objektivi është ai që të realizojë nëpërmjet artit të punimit të dhëmbëve një restaurim të një elementi të vetëm në sektorin e përparmë. Zëvendësimi i elementëve dentar të përparmë, më specifikisht të incizivëve qendror, trajton një arsye estetike ndaj dhe ekipi stomatolog - teknik dhëmbësh bashkëpunojnë për arritjen e rezultatit.

FAZAT E PUNIMIT
Në fazën e parë mjeku përgatit elementin dentar që të merret modeli provizor, me rëndësi themelore që të arrihet që pacienti të dalë nga klinika në kushte sociale dhe funksionale të pranueshëm. Në rastin specifik trajtohet restaurimi i një incizivi qendror ku pacienti kishte një rikonstruksion të vjetër për t'u restauruar.
Hapi i parë konsiston në përgatitjen e një modeli provizor të përshtatshëm për pacientin qoftë në formë qoftë në ngjyrë. Duke qenë një model provizor, pra një shtresë rezine me trashësi të reduktuar në krahasim me një provizor klasik mbi dhëmbin e përgatitur, duhet të jepet në mënyrë të njëtrajtshme njëfarë estetike imituese me dhëmbin ngjitur. Teknika konsiston në këto hapa:
• Të rikrijohet nëpërmjet dyllit forma dhe madhësia e dhëmbit që do punohet për protezë
• Të transformohet dylli në një model provizor me të cilin mjeku do të ketë mundësi të menaxhojë indet e buta që ndodhen përreth
Pasi është është ribazuar shtresa e rezinës është perfeksionuar kurora duke përdorur frezat përkatëse, pacienti kontrollohet derisa arrin kushtet ideale të indeve të buta për të marrë masën përfundimtare. Një pjesë e fundit e punës konsiston në përgatitjen e nënstrukturës. Në këtë rast është përdorur një bërthamë në zirkon, e përshtatur për të mbështetur porcelanin e veshjes. Nëpërmjet një shtresëzimi të kujdesshëm dhe ngjyrosjeje të dedikuar është finalizuar më pas proteza estetike.
Në rastet e protezës së këtij tipi, ku shkalla e vështirësisë është gjithmonë e më e lartë duke qenë se bëhet fjalë për rifitimin e një elementi të vetëm një elementi protezik në zonën estetike të përparme, aftësia artistike e teknikut të dhëmbëve dhe profesionaliteti klinik i stomatologut gjejnë një bashkin dinamik dhe puna në ekip bëhet garanci për suksesin.

Artikullin e plotë e gjeni duke klikuar këtu.

Përktheu: Valbona Spahia