Workflow dixhital, me gjurmë optike në rehabilitimet estetike

Prezantim dhe përmbledhje: Stomatologjia dixhitale ka si objektiv përmirësimin e nivelit të cilësisë së terapisë stomatologjike; specifikisht mundëson një precizion më të lartë diagnostikues, një standardizim të procedurave terapeutike, duke eliminuar kështu mundësinë e gabimeve gjatë fazave të ndryshme klinike dhe me pas bën të mundur përdorimin ekskluziv të dosjeve dixhitale duke përftuar kështu modele virtuale 3D të harkatave dentare me një komfort më të madh nga ana e vetë pacientit, reduktim të kohëve në poltron dhe të kostove relative.

Objektivat: Objektivi primar dhe vlerësimi cilësor i workflow-t dixhital në një rast të rehabilitimit protetik në sektorin estetik. Falë skanerit intraoral Carestream CS3500 procesi i dixhitalizimit fillon që nga përftimi i gjurmës, duke kaluar një hap të metodikave rehabilituese që përdorin teknologjitë CAD/CAM të kombinuara me teknika të gjurmës tradicionale. Në këtë mënyrë anashkalohen të gjithë gabimet e mundshme që lidhen me destabilitetin dimensional të materialeve të gjurmës dhe që janë në gjendje të tkurrin shkumësin që nevojitet për të realizuar modelin.

Materiale dhe metoda: Pacientja F.B, 47 vjeç, u paraqit pranë UOD të Implantoprotezave, pasi kishte nevojë për rehabilitimin e sektorit që përfshihej nga 1.3 deri në 2.3. Elementet 1.3 dhe 2.3 u përgatitën me chamfer dhe u evidentuan si shtylla protetike. U morr dhe u punua gjurma dixhitale e harkatave dentare të pacientes duke përdorur skanerin Carestream CS 500 Ò dhe softuerin SC3500 Acquisition. Ky softuer mundëson rikonstruksionin tredimensional të dy harkatave duke i regjistruar në mbyllje qendrore, laterale dhe me zgjatje. Saktësia e gjurmëve dixhitale garanton një saktësi optimale dhe adaptim të protezës si nga ana funksionale si nga pikëpamja estetike, duke reduktuar në minimum rregullimet. Modelet virtuale të harkatave dentare janë dërguar në laboratorin odontoteknik, i cili ka parashikuar që të procedojë dosjen në format STL dhe të projektojë materialin protetik nëpërmjet softuerit ExoCad Dental. Kështu u realizua një protezë me 6 elementë në zirkon monolitik duke lënë një hapësirë vestibulare prej 0,8 mm për shtresëzimin e qeramikës. Për të thjeshtuar këtë operacion është realizuar edhe një model stereolitografik në resinë mbi bazën e gjurmës dixhitale, në të cilët lidhet struktura në zirkon për punimin final. Puna në fund u dorëzua dhe u çimentua me çimento të dyfishtë.

Diskutim dhe konkluzione: Ky studim dëshmon se vlefshmëria e workflow-t dixhital, duke verifikuar karakteristikat kryesore: marrja e gjurmëve e shpejtë dhe komode, mungesa e materialeve të rënda në zgavrën e gojës, eliminimi i shqetësimeve që lidhen me refleksin e të vjellit, reduktimi i pasazheve klinike dhe të laboratorit me pasojë reduktimin e mundësive për të gabuar, precizion më i madh dhe besueshmëri krahasuar me gjurmët tradicionale. Një avantazh i rëndësishëm i gjurmës dixhitale është mundësia për të verifikuar precizonin e përgatitjes së elementëve të modelit virtual njëkohësisht me procedurat e përftimit dhe nëse është e nevojshme të sjellë korrigjimet e nevojshme dhe të menjëhershme. Për atë çka i përket precizonit, literatura afirmon që niveli i saktësisë së teknikës dixhitale është adekuat ndaj kërkesave klinike duke treguar një boshllëk margjinal të materialeve protetike shumë më të ulët se 120 mikron. Në gjendjen aktuale nuk ka rezultuar të jetë zhvilluar një protokoll për të kryer një skanim intraoral të standardizuar. Pranë UOD të Impltanoprotezave të Departamentit të Shkencave ondontostomatologjike dhe maksilo-faciale të Sapienza Universita di Roma, po eksperimentohet "modus operandi" duke e standardizuar kështu në mënyrë që të bëhet më i thjeshtë dhe mbi të gjitha më i besueshëm përdorimi i skanerëve intraoral.

Autorë: G. Piantedosi, F. De Angelis, G. Pignatiello, E. Brauner, S. Di Carlo : Università degli Studi di Roma "La Sapienza". Dipartimento di Scienze Odontostomatologiche e Maxillo-Facciali

Puna është vlerësuar si publikimi më i mirë gjatë Kongresit të 3-të, ANDI Roma Giovani. Si çmim u dha një bursë studimi prej 1.000 eurosh nga presidenti i CAO Roma Brunello Pollifrone dhe nga presidenti ANDI Roma Sabrina Santaniello për Giuseppe Piantedosi.

Shtyllat protetike 1.3, 2.1 dhe 2.3 të përgatitura për chamfer

Skaneri intraoral Carestream CS3500

Skanimi optik i harkatës së sipërme – pjesa okluzale

Skanimi optik i harakatave në okluzion – pjesa vestibulare

Struktura në zirkon e pozicionuar në modelin në rezinë

Prova e strukturës në zirkon në gojë

Proteza në zirkon e përfunduar në qeramikë e vendosur mbi model

Proteza në zirkon e përfunduar në qeramikë të cementuar në gojë

Bibliografia:
1) Ahrberg D, Lauer HC, Ahrberg M, Ëeigl P.: Evaluation of fit and efficiency of CAD/CAM fabricated all-ceramic restorations based on direct and indirect digitalization: a double-blinded, randomized clinical trial. Clin Oral Investig. 2015 Jun 14.
2) Boeddinghaus M, Breloer ES, Rehmann P, Ëöstmann B.: Accuracy of single-tooth restorations based on intraoral digital and conventional impressions in patients. Clin Oral Investig. 2015 Nov;19(8):2027-34. doi: 10.1007/s00784-015-1430-7. Epub 2015 Feb 20.
3) Li RË, Choë TË, Matinlinna JP.: Ceramic dental biomaterials and CAD/CAM technology: state of the art. J Prosthodont Res. 2014 Oct;58(4):208-16. doi: 10.1016/j.jpor.2014.07.003. Epub 2014 Sep 22.
4) Ng J, Ruse D, Ëyatt C: A comparison of the marginal fit of croëns fabricated ëith digital and conventional methods. J Prosthet Dent. 2014 Sep;112(3):555-60. doi: 10.1016/j.prosdent.2013.12.002. Epub 2014 Mar 11.
5) Yuzbasioglu, E., Kurt, H., Turunc, R., & Bilir, H. (2014) Comparison of digital and conventional impression techniques: evaluation of patients' perception, treatment comfort, effectiveness, and clinical outcomes. BMC Oral Health, 14, 10

Përktheu: Erjola Taga