Metal - qeramikë kundrejt qeramikës integrale. Cila duhet zgjedhur në rastet e rehabilitimit me shumë elementë?

Tradicionalisht kurorat me bazë të lidhjeve metalike në dhëmbë natyralë të vetëm, të shumtë apo që bëjnë pjesë në ura, konsiderohet si standardi i artë në fushën e rehabilitimit protetik. Me futjen e implanteve kryhen gjithnjë e më pak ura protetike në dhëmbë natyralë, duke preferuar natyrisht rehabilitimin me implantologji vetëm të dhëmbit që mungon pa prekur dhëmbët fqinj, duke ruajtur integritetin e tyre.
Por në disa raste duhet sidoqoftë që të kthehemi te zgjidhja protetike tradicionale me shumë elementë ose nëse është zgjedhja e pacientit, i cili për motive ankthi/frike për tu përballur me ndërhyrjen kirurgjikale ose për arsye ekonomike zgjedh alternativën protetike tradicionale ndaj asaj implantare, ose sepse gjendet në kushtet që duhet të ribëjë ura të vjetra me elemente dentare tashmë vetëm me një kunj ose sepse për arsye të ndryshme anatomike apo klinike nuk mund të kryejë implantologji.
Vitet e fundit kryesisht për arsye estetike ka avancuar gjithnjë e më shumë zgjidhja e kurorave në qeramikë integrale pa strukturën metalike nën të. Në përditësimin e fundit kishim krahasuar kurorat metal-qeramikë me ato në qeramikë integrale në dhëmbë të vetëm.

Por në rastet e urave apo elementeve të shumta cila midis të dyja zgjidhjeve të përmendura funksionon më mirë në një follow-up prej të paktën 3 vjetësh?
Në një rishikim të kohëve të fundit të publikuar në "Dental Materials 2015" ballafaqohen pikërisht këto dy metodika rehabilituese duke hetuar komplikimet teknike, estetike, biologjike dhe prognozën e tyre. Në këtë rishikim sistematik është kryer një kërkim nëpërmjet një strategjie kërkimi të paracaktuar me (PubMed), Embase dhe Cochrane Cen-trale Register of Controlled Trials (CENTRALE) nga 1 dhjetori 2016 deri më 31 dhjetor 2013. Kërkimi sot është kufizuar te artikujt e shkruar në gjuhën angleze.
Të përfshirë në meta-analizën e këtij rishikimi kanë rezultuar 40 studime duke raportuar të dhëna të rreth 1.796 kurorave të shumëfishta në metal-qeramikë dhe 1.110 në qeramikë integrale. Meta-analiza e studimeve të përfshira ka treguar një shkallë të vlerësuar të mbijetesës së kurorave të shumëfishta në metal-qeramikë prej 94,4% (95% Cl: 91,2- 96,5%) në 5 vjet. Mbijetesa e qelq-qeramikës së forcuar është vlerësuar me 89,1% (95% CI: 80,4-94,0%), shkalla e mbijetesës e qeramikës integrale në qelq-alumina me 86,2% (95% CI: 69,3-94,2%) dhe shkalla e mbijetesës së zirkonit të kondensuar me 90,4% (95% CI: 84,8-94,0%) në 5 vjet.
Pavarësisht se në përgjithësi shkalla e mbijetesës së të gjitha qeramikave integrale ka rezultuar inferiore ndaj asaj metal-qeramikë, ndryshimet nuk kanë rezultuar statistikisht domethënëse, duke bërë përjashtim për qelq-qeramikën e infiltruar (p = 0,05). Një incidencë në mënyrë domethënëse më e madhe me karies në dhëmbët me një kunj në formë koni është vërejtur për zirkonin e sintetizuar dendur, krahasuar me metal-qeramikën. Megjithatë është verifikuar edhe se një kuadër më superior i dështimeve strukturore për qeramikën në qelq-resinë (8,0%) dhe për qelq-alumina (12,9%) krahasuar me metal-qeramikë (0,6%) dhe me zirkon të shkrirë dendur (1,9%).
Megjithatë zirkoni i shkrirë dendur ka treguar një humbje në mbajtje në mënyrë domethënëse më të lartë (p = 0.018, respektivisht 0.028 e) krahasuar me të gjithë llojet e tjera të kurorave.

Të dhënat e përftuara nga një rishikim e literaturave botërore sugjerojnë se janë udhëzuar perfeksionime në prodhimin e rehabilitimit protetik në qeramikë integrale në rastet e elementeve të shumëfishta. Në këto raste metal-qeramika ka shkallë suksesi më të larta krahasuar me qeramikën integrale pas një periudhe të vëzhgimit mjekësor me të paktën 3 vjet. Dështimet strukturore më të shpeshta kanë të bëjnë me allumina-qeramikën dhe me qelq-qeramikën e infiltruar. Nga ana tjetër zirkoni i shkrirë dendur ka dëshmuar në mënyrë domethënëse qëndrueshmërinë e tij si strukturë por thjeshtësisht ndeshet me ndërlikime si ndryshimi i dhimbjes, kariesi dytësor dhe humbja në mbajtje.

Nën kujdesin e: Lara Figini, Koordinatore Shkencore Odontoiatria33

Bibliografia:
All-ceramic or metal-ceramic tooth-supported fixed dental prostheses (FDPs)? A systematic review of the survival and complication rates. Part II: Multiple-unit FDPs. Pjetursson BE, Sailer I, Makarov NA, Zwahlen M, Thoma DS. Dent Mater. 2015 Jun;31(6):624-639.

Përktheu: Erjola Taga