Analiza e metodave për ruajtjen e marzheve të mbylljes te protezat pa strukturë në metal

Objektivat: Verifikimi i kampionëve in vitro dhe vëzhgimi në mikroskop elektronik me skanim (SEM), dëmet e mundshme të materialeve që përbëjnë marzhet e mbylljes së kurorave pa strukturë në metal gjatë fazave të mbajtjes profesionale të Higjienistit Dentar me instrumente mekanike dhe manuale.

Materiale dhe metoda: 21 dhëmbë të hequr në kushte të mira anatomike me linja finiture me chamfer, procedurë për të marrë këllëfë të çimentuar në zirkon, alumin dhe qeramikë integrale. Të 21 kampionët janë ndarë në 7 grupe testi dhe grupit të parë i është caktuar grupi i kontrollit i patrajtuar. Grupi i parë i testit (3 këllëfë: zirkon, alumin, qeramikë integrale) trajtuar me ultratinguj dhe majë në çelik; grupi i dytë i testit (3 këllëfë: zirkon, alumin, qeramikë integrale i trajtuar me ultratinguj dhe majë Peek; grupi i tretë i testit (3 këllëfë: zirkon, alumin, qeramikë integrale) trajtuar me scaler në çelik; grupi i katërt i testit (3 këllëfë: zirkon, alumin, qeramikë integrale) trajtuar me curette në polikarbonat; grupi i pestë i testit (3 këllëfë: zirkon, alumin, qeramikë integrale) trajtuar me frezëmbajtës me unazë të kuqe dhe gomë të butë; grupi i gjashtë i testit (3 këllëfë: zirkon, alumin, qeramikë integrale) trajtuar me frezë me furçë dhe pastë profilaktike; grupi i shtatë i testit (3 këllëfë: zirkon, alumin, qeramikë integrale) trajtuar me air-flow dhe pluhur glicine të butë. Lëvizjet e instrumenteve mbi këllëf janë kryer nga i njëjti përdorues dhe në kushte standarde. Pas të gjithë protokolleve të dekontaminimit, këllëfët janë dërguar në laborator për vëzhgimin në SEM.

Rezultate: Nga vërejtja e rezultateve me SEM, nga tabelat (test/kontroll) me zmadhim 300x dhe 1000x, në grupin e shtatë të testit dëshmohen modifikime në teksturën normale të sipërfaqeve të materialeve të testuar. Me instrumentet mekanikë me ultratinguj, majë në çelik dhe scaler në çelik, në imazhet në SEM, janë të dukshme brazda dhe gërvishtje midis strukturës normale të sipërfaqes së zonës së inspektuar. Për kampionet test të punuar me instrumente me majë Peek me ultratinguj, imazhet në SEM dëshmojnë vetëm shenja të lehta. Për grupet e trajtuar me pajisje të destinuara vetëm për heqjen e pllakës bakteriale, vëzhgimet nuk tregojnë modifikime të dukshme. Në grupin 7 ku janë përdorur instrumente me air-flow dhe glicinë të butë, zmadhimet me 1000x në alumin dhe qeramikë integrale bënin të dukshme "kratere" shumë të vegjël me diametër pak mikron; ndërsa në zirkon nuk dëshmohej asgjë domethënëse.

Konkluzione: Nga ky studim autorët bien dakord se mund të hamendësohet si trajtim i zgjedhur heqja vetëm e pllakës bakteriale (deplaquing), që do të rezultonte e vetmja procedurë midis të vlerësuarave dhe që nuk ka shkaktuar çrregullime morfologjike dhe strukturore të materialeve që përbejnë protezën metal - free. Megjithatë në rast se do të paraqitej nevoja për të kryer manovra për heqjen e gurit të ngjitur në sipërfaqet margjinale të kurorave, maja Peek rezulton e vetmja pajisje e këshillueshme për karakteristikat e saj të efikasitetit jo agresiv.

Artikullin origjinal e gjeni duke klikuar këtu.

Përktheu: Erjola Taga