Gjen përdorim indi dhjamor i faqes

Cosma Capobianco

I konsideruar si një aksesor i thjeshtë anatomik, indi dhjamor i faqes, i përfshirë në Bichat ball, tanimë po njeh një zbulim të papritur. Në fakt, kirurgët oralë kanë filluar ta shfrytëzojnë për të plotësuar deficitet e substancave të strukturave pranë si qiellza, dyshemeja e gojës dhe kreshtat alveolare. I vendosur midis muskujve maseter dhe bucinator, Bichat ball është një strukturë që reduktohet gradualisht me kalimin e viteve dhe është ai që i jep volum faqeve topolake të fëmijëve.

Një rishikim interesant i rasteve të trajtuara me këtë teknikë është publikuar nga një grup japonezësh në Int J Oral Maxillofac Surg. Ideja nuk është e re, duke qenë se sinjalizimi i parë në literaturë është bërë në vitin 1977 dhe i përket mbylljes së një komunikimi oro-sinuzal dhe që mbetet ende aplikimi i tij kryesor. Bichat ball normalisht përbëhet nga një pjesë kryesore, e vendosur në kufijtë anterior të muskujve maseter dhe me katër zgjerime (vestibular, pterigoid, temporal sipërfaqësor dhe temporal i thellë). Masa është mesatarisht 9 gr ndërsa volumi është rreth 9 ml (me një diferencë të lehtë në favor të seksit mashkull), prandaj nevojitet të llogaritet me kujdes nevoja e pjesës ku do të vendoset. Në mënyrë orientuese, mund të merret si limit një diametër maksimal prej 4 cm. Përdorimi i kësaj rezerve indi është i dobishëm në shumë situata të tjera post-kirurgjike, në mënyrë tipike në defektet e substancës që rezultojnë nga heqja e neoplazive por edhe në nekrozat nga bifosfonati.

Teknika parashikon një transplant në formë kërcelli që, nëse kryhet në mënyrën e duhur dhe nuk tërhiqet shumë, epitelizohet brenda një muaji falë vaskularizimit të tij të pasur. Nga pikëpamja histologjike shërimi bëhet nëpërmjet transformimit fibrotik të indit dhjamor dhe mbulimi me epitel skuamoz të shtresëzuar parakeratozik. Falë lehtësisë së tij relative të lëvizshmërisë dhe incidencës së ulët të komplikacioneve, është një lloj transplanti ideal duke qenë edhe i kufizuar nga ana volumetrike. Prandaj është e nevojshme të vlerësohet në mënyrë pre-operative nëpërmjet RM ose TC. Por është vënë re edhe që ndonjëherë, Bichat ball është eliminuar, si p.sh. në ndërhyrjet e "feminilizimit racial" që kryhen nga individët transeksualë.

Përktheu: Valbona Spahia