Kërkesa të larta për ripunimin estetik të punimeve protetike të papërshtatshme në incizivët qendror dhe lateral të maksilës. Rasti klinik origjinal

Në klinikë vjen një paciente, 48 vjeçare, për vizitë kontrolli me qëllim që të zgjidhë një inestetizëm në zonën antero-superiore. Me ndihmën e disa fotografive është kryer studimi dixhital i rastit duke mundur kështu të diskutohet për elementët që duhen korrigjuar për të arritur një harmoni estetike të kënaqshme për pacienten.

Elementët 1.1 dhe 1.2 paraqesin forma dhe dimensione të ndryshme në krahasim me elementët kontrolateral, me parabola gingivale të shtyra më lart si dhe me formë të ndryshme.

Rasti në fillim

Pre-vizualizimi dixhital

Kurorat në metal-qeramikë paraqesin një pjesë cervikale shumë opake, që duket jonatyrale, me kufirin metalik tashmë të papërshtatshëm edhe për shkak të një abrazioni të indeve të forta të elementëve dentarë, që janë shumë të dukshëm, të përfshirë në një erupsion pasiv të elementëve 1.1 dhe 1.2, duke theksuar inestetizmin e sektorit.

Nga ekzaminimi radiologjik, i kryer nëpërmjet një radiografie periapikale, tregohet prania e një trajtimi të mëparshëm endodotik të papërshtatshëm për çdo element dentar dhe një rikonstruktim me vida intrakanalare që kërkojnë një rindërhyrje për të rritur, përveç rezultatit estetik në funksion edhe të materialeve të zgjedhura, parashikueshmërinë e rehabilitimit të propozuar.

Vizioni frontal intraoral

Rx fillestar

Pasi është kryer një diagnozë, formulohet Plani i Trajtimit që parashikon qoftë për elementin 1.1 qoftë për 1.2 ritrajtimin endodontik, rikonstruksionin me një kunj me fibra dhe materialin kompozitë të shtyllës protetike, finalizimi estetik me pozicionimin e dy kurorave të vetme në qeramikë integrale, përpara pozicionimit të një ure në rezinë për të menaxhuar sa më mirë fazat provizore dhe shërimin e indeve të buta.

Për të plotësuar propozimin terapeutik të sekstantit, këshillohet një zbardhim në shtëpi i kaninëve për të harmonizuar rezultatin estetik të komplet sekstantit.

Heqja e punimit protetik

Pasi hiqen punimet e mëparshme protetike të papërshtatshme, izolohet pjesa operatore me digë gome dhe vijohet me kurat endodontike-restaurative duke rikonstruktuar shtyllat protetike me një kunj intrakanalar me fibra xhami për të mbështetur materialin kompozitë të fotopolimerizuar, duke mundur kështu që sapo të hiqet diga e gomës, të vijohet me përgatitjen pa linjën e finiturës së elementëve 1.1 dhe 1.2 dhe cementimit të një provizori në rezinë të ribazuar në mënyrë të përshtatshme.

Pastrimi i trungjeve natyrore

Rikonstruksioni i trungjeve natyrore

Përgatitja e trungjeve

Provizor

Zgjedhja e këtyre metodikave të përgatitjes së elementëve dentarë paraqet avantazhe të rëndësishme. Në prani të një sasie të pakët të indit dentar të shëndetshëm, duke ruajtur sasinë më të madhe të indeve dentare me një përgatitje konservative me siguri ka lejuar rritjen e forcës dhe rezistencës së shtyllave protetike.

Përveç këtyre rezulton e rëndësishme që për qëllime estetike të mund të ndryshohet profili i emergjencës së kurorës protetike pa ndërhyrë së fundmi në shtyllën natyrale duke përshpejtuar kështu fazat e menaxhimit të provizorit me rregullime të thjeshta dhe/ose korrigjime që, pas rreth dy muajsh, garantojnë mbajtjen e indeve të buta në trashësi të kënaqshme dhe qëndrueshmëri dimensionale në nivel cervikal.

Shërimi pas 7 ditësh

Kontrolli i indeve të buta

Pas një kontrolli të shpejtë për verifikimin e gjendjes shëndetësore të indeve të buta, mund të vijohet me marrjen e gjurmëve për punimin përfundimtar që kryhet në një fazë të vetme me vinilpolisiloksan light body dhe regular body para çngjyrosjes së indeve të buta falë pozicionimit të dy fijeve retraktore, ku njëra fije është lënë në vend dhe tjetra është hequr disa minuta përpara shpërndarjes së materialit të marrjes së gjurmës.

Marrja e gjurmëve në vinilpolisiloksan

Fazat e laboratorit, të kryera nga z. Nicola Gondoni nga Ravena, vërejnë një riprodhim fillestar të kushteve të zgavrës së gojës me realizimin e trungjeve në material kompozitë të të njëjtës ngjyrë të përdorur në elementët natyralë.

Faza e laboratorit

Zgjedhja e materialit për kurorat definitive është hedhja përsëri në Disilikat Litiumi të presuar, ngjyra A1 me tejdukshmëri të vogël, mbi të cilën është kryer teknika e cut back vestibulare aty ku është shtresëzuar qeramika me dentinën, smaltin dhe tejdukshmërinë dhe patejdukshmërinë e përshtatshme duke marrë kështu një rezultat të mirë estetik të konfirmuar nga imitimi i kurorave të zgavrës orale.

Faza e laboratorit

Pasi është kryer prova e punimit, bëhen disa modifikime të vogla dhe përcaktohet mikrotekstura e sipërfaqes, duke mundur kështu të finalizohen punimet protetike nëpërmjet një cementimi adeziv me një cement kompozitë autoadeziv që lejon arritjen e një rezultati estetik të kënaqshëm, edhe falë një zgjedhjeje të saktë të ngjyrës, me një imitim të elementëve kontrolateralë, të bazuara në një strukturë të vlefshme dentare mbështetëse me inde të buta me trashësi të rëndësishme që të garantojë një prognozë afatgjatë shumë pozitive.