Tejdukshmëria e kurorave CAD/CAM, zirkoni tradicional Vs zirkoni i gjeneratës së re. Një studim italian (që ka marrë çmim nga IADR) tregon diferencat

Candida Parisi

Kërkesa estetike po bëhet mbizotëruese prandaj rritet përdorimi i qeramikës integrale. Faktor kyç i estetikës është tejdukshmëria. Edhe pse kurorat monolitike në zirkon posedojnë veti më të mira mekanike në krahasim me ato me dy shtresa, mungesa e tejdukshmërisë mbetet ende një problem. Së fundi është futur një zirkon hibrid i tejdukshëm tetragonal (Katana Super-Translucent, STML, and Ultra-Translucent, UTML, Kuraray-Noritake).

Me rastin e Takimit të përgjithshëm të Shoqatës Internacionale për Kërkimet Dentare (International Association for Dental Research [IADR]) të mbajtur në Seul - Republika e Koresë - në 22-25 qershor 2016 grupi i kërkimit në Rihabilitim Oral Protetik dhe Maksilo-Facial të Alma MAter Studiorium të Universitetit të Bolonjës, të koordinuar nga prof. Roberto Scotti dhe nga prof. Paolo Baldissara, ka paraqitur një studim që ka pasur si qëllim atë të krahasimit të tejdukshmërisë së kurorave CAD/CAM të bëera në oksid zirkoni me disilikat litiumi.
Studimi ka fituar IADR Frechette Award dhe është paraqitur gjatë takimit nga doktoresha Candida Parisi (DDS, PhD) të cilës i është dorëzuar çmimi.

Hetimi që ishte objekti i punimit filloi nga skanimi i një molari të parë inferior me skaner intraoral Lava (COS) nga ku janë realizuar 80 kurora me teknologjinë CAD/CAM.
Kurorat janë bërë me zirkon/tetragon (20 STML dhe 40 STML) dhe disilikat litiumi (20 IPS dhe max CAD, LT), ngjyra A2. Trashësia e kurorave është: 1 mm (STML), 1 mm dhe 1,5 mm (UTML) dhe 1,5 mm (LT).
kurorat janë vendosur në dhomë të errësuar midis një burimi drite LED dhe një sesnori fotoradiometër. Parametri i marrë në konsideratë për të matur tejdukshmërinë është drita që kalon flow-lux nëpërmjet kurorave nga të cilat llogaritet CR apo kontrast-raport.

Rezultatet e marra evidentojnë që kurorat e realizuara me zirkonin e ri hibrid të tejdukshëm tetragonal janë në mënyrë të konsiderueshme më të tejdukshëm në krahasim me LT tradicionale me trashësi të barabartë, pra mund të paraqesë një zgjidhje ekonomike dhe një alternativë të besueshme me litium-disilikat.

Në grafikun në vijim rezultatet e studimit