Kortikotomia minimalisht invazive në ortodonti falë përdorimit të modelit kirurgjik të realizuar nga stampimi 3D me CAD/CAM

Michele Cassetta

Në vitet e fundit është gjithnjë e më e shpeshtë kërkesa për ritrajtime ortodontike ose për trajtime ortodontike te pacientët adultë. Këto pacientë shpesh kërkojnë trajtime ortodontike afatshkurtër. Kortikotomia përbëhet nga shpime në formë pikash ose nga prerje lineare që kryhen në nivelin e kortikales së indit kockor alveolar me qëllim që të përshpejtojnë dhe të bëjnë më të qëndrueshme lëvizjen ortodontike.

Kjo teknikë paraqet rreziqe të reduktuara dhe një frekuencë minimale të pajtueshmërisë, por karakterizohet nga një shqetësim i rëndësishëm post-operator. Natyra e brendshme agresive e kortikotomisë, për shkak të ngritjes së kufijve mucoperiosteal dhe të gjatësisë së ndërhyrjes kirurgjike, ka përcaktuar një përdorim margjinal për shkak të hezitimit qoftë nga ana e pacientëve qoftë nga ana e ortodontistëve. Për të kaluar limitet e kortikotomisë është futur piezocision - i, domethënë një teknikë e kortikotomisë që kryhet me prerje lineare të mukozës, në nivelin inter-radikular, që lejojnë futjen në kortikalen kockore pa hequr një pjesë. Në këtë rast përdoret doreza piezoelektrike, në vend të një freze kirurgjike.

Me piezocision, agresiviteti i ndërhyrjes së kortikotomisë reduktohet, por reduktohet edhe shikueshmëria e fushës operative domethënë rriten rreziqet në ngarkesë të strukturave anatomike. Me qëllim që të kryhet një kortikotomi minimalisht invazive, por edhe e sigurt, është futur dhe perfeksionuar së fundi, në Departamentin e Shkencave Odonto-stomatologjike dhe Maksilo-Faciale në Universitetin e Sapienzës në Romë, një teknikë kirurgjike e drejtuar nga kompjuteri, që përdor udhëzime kirurgjike të dizenjuara në CAD dhe të stampuara me një stampues 3D. Këto udhëzime lejojnë një kortikotomi me dorezë piezoelektrike minimalisht invazive pa rrezikun e dëmtimit të strukturave anatomike.
Pasi pacienti i është nënshtruar një ekzaminimi TC cone-beam, është e mundur të përdoret një software i dedikuar (Cortex, Media Lab, Milano, Italia) për të projektuar prerjet kortikotomike.

Software për programimin në 3D të ndërhyrjes së piezocision e drejtuar nga kompjuteri (Cortex, Media Lab, Milano, Itali); kortikotomitë projektojnë virtualisht duke respektuar plotësisht strukturat anatomike

Dizenjimi në CAD të guidës kirurgjike

Pasi është programuar ndërhyrja, udhëzimet stampohen (Ortodoncia Itali, Romë, Itali) dhe ndërhyrja mund të kryhet në kohë shumë të shpejta (rreth 30 minuta për një harkatë).

Pasi është pozicionuar drejtuesi kirurgjik në harkatat dentare, fillimisht kryhen prerje në mukozë me një teh bisturie dhe më pas prerje lineare në kortikalen kockore duke përdorur një teh piezoelektrik.

Drejtuesi kirurgjik i stampuar në 3D i pozicionuar në harkatën inferiore. Përdoren tre tregues në rezinë për të rritur qëndrueshmërinë e drejtuesit

Drejtuesi kirurgjik që mbështetet te dhëmbët përdoret për të udhëhequr prerjet e mukozës

Imazhi intraoral pas kryerjes së prerjeve të mukozës

E njëjta maskë kirurgjike drejton tehun piezoelektrik. Prerja e kortikales kontrollohet në zgjerimin e saj mesio-distal, kurorë – apikale dhe në thellësi

Imazhe intraorale pas piezocizion

Në fund të ndërhyrjes do të jetë e mjaftueshme qepja e prerjeve të mukozës dhe do të jetë e mundur të fillohet menjëherë trajtimi ortodontik.

Menjëherë pasi është kryer kortikotomia me dorezën piezoelektrike (piezocision) dhe pasi janë kryer qepjet e mukozës është e mundur të fillohet me trajtimin ortodontik me maskerina transparente (Smiletech®, Ortodoncia Itali, Romë)

Në fund të ndërhyrjes do të jetë e mjaftueshme qepja e prerjeve të mukozës dhe do të jetë e mundur të fillohet menjëherë trajtimi ortodontik.

Duke përdorur piezocision të drejtuar nga kompjuteri, rreziqet e dëmtimeve në strukturat anatomike janë eliminuar edhe kur elementët dentarë janë të ngjitur njëri me tjetrin dhe/ose të rrotulluar. Përveç kësaj, nuk interferon me parodontin margjinal, aspekt veçanërisht i rëndësishëm në terapinë ortodontike të adultit.
Në fakt, nuk hiqet ndonjë pjesë apo zgjerim i prerjeve lineare që nuk prek papilën interdentare.
Guida kirurgjike karakterizohet nga prania e binarëve që lejojnë një kontroll tri dimensional të tehun piezoelektrik. Binarët e guidës lejojnë një kontroll të thellësisë së tehut piezoelektrik duke e penguar të devijojë nga projekti fillestar edhe në sensin mesio-distal dhe kurorë-apikale. Dekursi post-operator karakterizohet nga një ënjtje minimale, e limituar tre ditët e para dhe nga mungesa e dhimbjes.

Kjo teknikë inovative është përdorur e shoqëruar me maskerinat transparente (Smiletech®, Ortodoncia Itali, Romë), por mund të përdoret e shoqëruar me çdo teknikë ortodontike. Piezocizion i drejtuar nga kompjuteri është një teknikë veçanërisht e dobishme në trajtimin e pacientëve adultë ose në rastin e përsëritjes së trajtimit të mëparshëm ortodontik.

Sinteza në kujdesin e autorit të punimit të publikuar në Oral and Maxillofacial Surgeons.

Bibliografia:
• Dibart S, Sebaoun JD, Surmenian J. Piezocision: a minimally invasive, periodontally accelerated orthodontic tooth movement procedure. Compend Contin Educ Dent 2009;30:342-4. 346, 348-350.
• Cassetta M, Altieri F, Barbato E. The combined use of corticotomy and clear aligners: A case report. Angle Orthod. 2015 Nov 25. [Epub ahead of print].
• Cassetta M, Di Carlo S, Giansanti M, Pompa V, Pompa G, Barbato E. The impact of osteotomy technique for corticotomy-assisted orthodontic treatment (CAOT) on oral health-related quality of life. Eur Rev Med Pharmacol Sci 2012;16:1735-40.
• Dibart S, Surmenian J, Sebaoun JD, Montesani L. Rapid treatment of class II malocclusion with Piezocision: two case reports. Int J Periodontics Restorative Dent 2010;30:487-93.
• Cassetta M., Altieri F., Pandolfi S., Giansanti M. A new approach to moderate crowding - the combined use of computer-guided piezocision procedure and clear aligners: a 2-year retention case report. Korean J Orthod. Accepted in press.
• Cassetta M, Giansanti M, Di Mambro A, Calasso S, Barbato E. Minimally invasive corticotomy in orthodontics using a three-dimensional printed CAD/CAM surgical guide. Int J Oral Maxillofac Surg. 2016;45:1059-64.
• Cassetta M, Pandolfi S, Giansanti M. Minimally invasive corticotomy in orthodontics: a new technique using a CAD/CAM surgical template. Int J Oral Maxillofac Surg 2015;44:830-3.
• Cassetta M, Giansanti M. Accelerating orthodontic tooth movement: A new, minimally-invasive corticotomy technique using a 3D-printed surgical template. Med Oral Patol Oral Cir Bucal. 2016;21:e483-7.

Përktheu: Valbona Spahia