Rikonstruksioni parcial te elementët anteriorë me metodika të gjurmëve dixhitale

Objektiva:
Rikonstruksionet parciale estetike në sektorët anteriorë kanë fituar popullaritet të gjerë. Këto janë përdorur për të restauruar elementë dentarë të dëmtuar nga diskromitë, trauma ose procese karioze konsistente. Me qëllim dokumentimin e këtyre teknikave janë marrë në konsideratë zëra të ndryshëm autoritar të literaturës mbi të gjitha temat e trajtuara.

Materiale dhe metoda:
Argumentet e ekzaminuara janë indikacione të përdorimit të të ashtuquajturave "faseta" në qeramikë ose në materiale të tjera estetike të asimilueshme, tipologjitë e përgatitjeve dentare, sistemet për të kushtëzuar sa më mirë shtresën dentare dhe materialet e cementimit.

Rezultate dhe konkluzione:
Procedurat dhe teknikat CAD/CAM janë ditët e sotme shumë të besueshme dhe të riprodhueshme; për më tepër qeramikat si ato feldspathic edhe ato me disilikat litiumi, janë përmirësuar në mënyrë të konsiderueshme gjatë viteve të fundit dhe janë modifikuar për të arritur një performancë me vlera më të larta. Rezultati i këtyre metodave të rikonstruksioneve varet nga shumë faktorë; si tipi i përgatitjes, "zona" e fundit e përgatitjes që mund të jetë ose jo në indin e smaltit, indikacionet klinike më të përgjithshme që lidhen me gjendjen e pacientit. Një mbijetesë për një periudhë të gjatë mbi 85% e këtyre restaurimeve certifikon vlefshmërinë e tyre dhe mundësinë për t'i përdorur në mënyrë të zgjeruar në dhëmbët anteriorë.

Materialin e plotë mund ta gjeni duke klikuar këtu.

Përktheu: Valbona Spahia