Rikuperimi i asistuar endoskopik i molarëve të tretë madibularë të zhvendosur në hapësirën pterigomandibulare

Zhvendosja aksidentale e molarit të tretë të poshtëm gjatë heqjes kirurgjikale është e rrallë por potencialisht një komplikim serioz. Në fakt kjo gjendje mund të shkaktojë dëmtim të indeve, reaksion nga trupi i huaj, sekela të rënda që kërcënon jetën dhe implikime mjeko-ligjore. Hapësira submandibulare është zona më e zakonshme për zhvendosje aksidentale të molarëve të tretë të poshtëm. Më poshtë paraqiten dy raste të pazakonta të zhvendosjes pterigomandibulare të molarëve të tretë të poshtëm që u hoqën me asistencë endoskopike.

Raportimet e rasteve

Rasti i parë

Një djalë 14 vjeçar erdhi në klinikë duke u ankuar për ndjesinë e një trupi të huaj në mesin e sipërfaqes së ramus (angulus) së mandibulës në anën e majtë. Tre vjet më parë ai kishte kryer një heqje kirurgjikale të molarit të tretë të poshtëm (3.8) nga një dentist i përgjithshëm, nën efektin e anestezisë lokale. Procedura u përshkrua se kishte qenë e vështirë dhe e komplikuar duke zgjatur 1 orë. Pas kësaj kohe dhëmbi papritur "u zhduk" nga zgavra e tij, kështu që duke menduar se dhëmbi ishte gëlltitur, dentisti mbylli plagën dhe shërimi ishte i qetë. Në të dy ekzaminimet, në atë intra dhe ektra oral, një masë e fortë në dukje, u gjet në pjesën posteriore të dyshemesë së gojës. Si radiografia panoramike (OPT) ashtu dhe tomografia e kompjuterizuar (CT) zbuluan praninë e një mase radio-opake që ngjante me embrionin e molarit të tretë. Imazhet e CT u rikonstruktuan për të formuar seksione aksiale, sagjitale dhe koronale dhe treguan zhvendosjen e embrionit në hapësirën pterigomandibulare të majtë, afër kufirit të poshtëm të mandibulës në kufirin posterior të muskulit mylohyoid (Fig. 1,2).

Rasti i dytë

Një mashkull 21 vjeçar, në kushte të përgjithshme të mira shëndetësore, u drejtua në departamentin tonë me një zhvendosje aksidentale të një elementi dentar në regjionin e djathtë submandibular, e cila kishte ndodhur gjatë tentativës për heqje disa muaj më parë. Dhëmbi nuk dukej në pjesën posteriore të dyshemesë së gojës gjatë prekjes intra-orale; prekja ekstra-orale tregoi një masë të fortë në regjionin e djathtë submandibular. Të dyja, si radiografia (Fig. 3) edhe imazhi CT zbuluan praninë e një elementi dentar që zinte hapësirën pterigomandibulare. Imazhet e CT të rikonstruktuara në seksione aksiale, sagjitale dhe koronale, treguan elementin një hapësirën pterigomandibulare. Të pozicionuara pjesërisht poshtë këndit të pasmë të muskulit mylohyoid, rrënjët ishin në kontakt me pjesën e mesme të poshtme të mandibulës me kurorën që del gjysma jashtë muskulit hioglosus.

Rezultate dhe konkluzione
Zhvendosja e një dhëmbi apo e një fragmenti të tij në hapësirat anatomike pranë tij, është një ndër komplikimet që mund të ndodhin gjatë heqjes së molarit të tretë. Operacioni i asistuar në mënyrë endoskopike përfaqëson një ndihmesë interesante për të reduktuar traumën kirurgjikale në nervin lingual dhe për të mundësuar një ndriçim më të mirë intraoperativ për një molar të tretë të poshtëm të zhvendosur thellë.

Artikullin e plotë mund ta lexoni duke klikuar këtu.