|

Cilët instrumente të përdorim për heqjen manuale të gurëzave në sipërfaqet me alumin, zirkon dhe disilikat litiumi? Objektivi është shmangia e ndryshimeve në ashpërsinë e sipërfaqes

Kontrolli i pllakës bakteriale është thelbësor për parandalimin e sëmundjes periodontale; instrumentet rutinë të përdorura për heqjen e pllakës bakteriale mund të modifikojnë një profil të sipërfaqes së materialeve të përdorur në proteza. Në një artikull të publikuar kohët e fundit në "Journal of Prosthodontics" kemi vlerësuar in vitro ndryshimet e ashpërsisë së sipërfaqes të kampioneve në alumin, zirkon dhe disilikat litiumi të provokuar nga dy instrumente për scaling manual.

Dyzet e tetë kampione alumini, 48 zirkoni dhe 48 disilikati litiumi janë ndarë në 3 grupe me 16 kampione secili; një grup për çdo material është konsideruar grupi i kontrollin (nuk është aplikuar asnjë procedurë pastrimi gurëzash); grupi i dytë i çdo materiali, i është nënshtruar pastrimit të gurëzave me curette çeliku duke simuluar kushtet klinike standarde; grupi i tretë i çdo materiali, i është nënshtruar pastrimit të gurëzave me curette titani. Pas heqjes së gurëzave është vlerësuar ashpërsia sipërfaqësore e kampioneve me një profilometër. Në përfundim të vlerësimit të ashpërsisë sipërfaqësore, disa kampione përfaqësuese të çdo grupi janë përgatitur për vlerësimin me SEM.

Pas procedurës së heqjes së gurëzave ashpërsia sipërfaqësore është shtuar në të gjithë kampionet. Ashpërsia e kampioneve të trajtuar me një curette çeliku ka arritur një vlerë më të lartë se ajo e përftuar nga grupi i trajtuar me një curette titani. Zirkoni ka paraqitur shtimin në ashpërsi sipërfaqësore më pak domethënës nga pikëpamja statistikore: ashpërsia e kampioneve në zirkon ka qenë 3,9 herë më e lartë krahasuar me vlerën fillestare, kundrejt 4,3 herë për kampionet në alumin dhe 4,6 herë për kampionet në disilikat litiumi.
Të dhënat e këtij studimi kanë evidentuar se si curette në çelik dhe titan prodhojnë in vitro një nivel të ndryshëm ashpërsie në sipërfaqet e ekzaminuara. Me shumë mundësi janë të nevojshme studime të mëtejshme in vivo për të përcaktuar protokollin më korrekt në përdorimin klinik të instrumenteve për heqjen e gurëzave në lidhje me materialet e ndryshme protetike.

Për më tepër:
Vigolo P, Buzzo O, Buzzo M, Mutinelli S. An In Vitro Evaluation of Alumina, Zirconia, and Lithium Disilicate Surface Roughness Caused by Two Scaling Instruments. J Prosthodont 2017; 26:129-135.

Fig. 1 Unazë adezive e ngjitur në një kampion për të përcaktuar sipërfaqen e scaling

Përktheu: Erjola Taga

Për të votuar duhet të vendosni kredencialet tuaja në Medikey

Interesant ( 102 votim / mesatar 3 )