Ngritja e sinusit të nofullës pa materiale grafti: a është një teknikë e besueshme?

Teknika e ngritjes së sinusit të nofullës është një nga më kontroverset dhe më të diskutuarat; shumë autorë kanë theksuar nevojën për të kryer grafte kockore (autologe ose eterologe) përpara pozicionimit të implanteve të osteointegruara, në të kundërt disa të tjerë nuk e shohin të nevojshme.

Edhe pse situatat klinike duhen ekzaminuar rast për rast, është gjithashtu e vërtetë që marrja e informacioneve nga literatura mbi këtë mundësi të dytë operative duket se është interesante; në fakt në numrin e shkurtit të International Journal of Oral Maxillofacial Surgery është publikuar një rishikim shumë i gjerë mbi këtë temë.
Autorët kanë marrë në ekzaminim studimet që kanë të bëjnë me rastet në të cilat janë kryer implante pa vendosjen e grafteve (autologe ose eterologe në kockë) për pozicionimin e tyre në maksilë duke zënë hapësirën e sinusit të nofullës.

Tetëmbëdhjetë studime kanë rezultuar të përshtatshme për dëshirat e autorëve dhe rezultati dukej shumë interesant: mbijetesa mesatare ishte 97% me një fitim të indit kockor mesatarisht të barabartë me 4,7 mm në një periudhë kohore rreth 40 muaj.
Teknika e ngritjes së sinusit të nofullës për pozicionimin e implanteve të osteointegruara pa grafte duket shumë e besueshme.
Kjo provë shkencore sjell nevojën për konsiderata të tjera mbi mundësinë e kryerjes së ndërhyrjeve për rikthimin e funksionalitetit mastikator në sektorët posteriorë më pak kompleksë dhe më pak të kushtueshëm për pacientët dhe më të thjeshtë për stomatologët.

Nën kujdesin e: Prof. Massimo Gagliani, Koordinator Shkencor i sektorit stomatologjik i Grupit të redaksisë EDRA

Për më tepër:
Moraschini V, Uzeda MG, Sartoretto SC, Calasans-Maia MD. Maxillary sinus floor elevation with simultaneous implant placement without grafting materials: a systematic review and meta-analysis. Int J Oral Maxillofac Surg. 2017 Feb 19

Përktheu: Valbona Spahia