Mikonazoli në pastat adezive për të luftuar stomatitin nga proteza: studime laboratorike vlerësojnë efikasitetin

Stomatiti nga proteza (DS) është një gjendje inflamatore eritematoze shumë e shpeshtë te pacientët që mbajnë proteza të lëvizshme. Simptomat më shpesh të hasura nga pacientët e prekur nga stomatiti i protezës janë:
- ndjesi djegie
- shije jo e këndshme
- bezdi/dhimbje e mukozave
Në pjesën më të madhe të rasteve DS mund të jetë pa asnjë simptomë.
Candida albicans konsiderohet faktori etiologjik primar i DS. Të inkorporosh në pastat adezive, të përdorura për të shtuar ngjitjen e protezave të lëvizshme në mukozë agjentë antifungal, mund të jetë zgjidhja më e thjeshtë dhe e menjëhershme për të reduktuar krijim e stomatitit nga proteza nga infeksioni shkaktuar nga Candida Albicans dhe të ngjashme.

Në një studim in vitro brazilian të publikuar në "Dental Materials" në shkurt 2017, testohet in vitro aktiviteti antifungal, forca adezive dhe toksiciteti i një paste adezive në të cilën janë inkorporuar mikroqeliza polimerike të nitratit të mikonazolit.

Në të njëjtën pastë adezive autorët kanë inkorporuar Eudragit L-100 (grupi eksperimental E) dhe Gantrez MS-955 (grupi eksperimental G) dhe kombinimi i të dyjave (grupi eksperimental EG) në përqendrime me 10% dhe 20%. Grupet e kontrollit ishin: pasta adezive pa asnjë shtesë të antifungal-ëve dhe pasta adezive me shtimin e mikonazolit të pastër.

Në të gjithë grupet janë kryer teste mikrobiologjike, test për vlerësuar forcën adezive dhe toksicitetin. Testet mikrobiologjike për të vlerësuar përqendrimin minimal inhibues (MIC) kundër Candida albicans janë kryer në lëng me mikro hollim dhe nëpërmjet metodave të hollimit të agar në ekstrakt të DAS dhe në formë xheli konvencional (Daktrarin®). Testet për të vlerësuar forcën adezive në fakt kanë qenë të ndjekura nga kampionet e rezinës akrilike ndaj të cilave ishte aplikuar pasta adezive me ose pa përzierjet antifungale sipas grupeve të ndryshme eksperimentale dhe të kontrollit të përcaktuara në studim, të montuara në një makinë prove universale pas zhytjes në ujë.
Toksiciteti i hollimeve të ndryshme të DAS në fund është testuar nëpërmjet një mostre Artemia të kripur pas 24 dhe 48 h. Të dhënat rreth forcës adezive janë vlerësuar me dy teste: ANOVA dhe Benferroni (= 0,05).
Nga rezultatet e këtij studimi në laborator kemi mundur të konstatojmë se pasta adezive për protezat që përmban 2% nitrat mikonazoli (MN), ngarkuar me mikroqeliza të përbëra nga Gantrez MS-995 apo në kombinim me Eudragit L-100, prodhon një aktivitet antifungal efikas, forcë të mirë adezive dhe asnjë efekt toksik dhe me kusht që të kryhen studime të mëtejshme in vitro dhe klinike in vivo mund të konsiderohet një metodë premtuese terapeutike për personat që mbajnë proteza të lëvizshme të prekur nga stomatiti i protezës.

Nën kujdesin e: Lara Figini, Koordinatore Shkencore e Odontoiatria33

Për më tepër:
New denture adhesive containing miconazolenitrate polymeric microparticles: Antifungal,adhesive force and toxicity properties: Andrés Felipe Cartagenaa,, Luís Antonio Esmerinob, Rogerio Polak-Juniorc,Sibelli Olivieri Parreirasa, Milton Domingos Michélc, Paulo Vitor Faragob,Nara Hellen Campanha. Dental Material 33 (2017) e53-e61

Përktheu: Erjola Taga