Stabiliteti protetik. Më mirë përgatitjet protetike paralele apo konvergjente?

Tipologjitë e përgatitjeve protetike në dhëmbët anteriorë gjithmonë kanë ngritur debate pak a shumë të nxehta. Pavarësisht linjës apo zonës që do të përgatitet proteza, gjithmonë është shfaqur me interes të madh që të konsiderohen paretet vestibulare dhe palatale si elemente përcaktuese të stabilitetit të manifakturës protetike finale.
Të ruash brezin qiellzor nga shumë persona ka qenë konsideruar si një element rezistence dhe stabiliteti jo i parëndësishëm për kohëzgjatjen e restaurimit definitiv.

Në këtë studim të publikuar në Journal of Prosthetic Dentistry, autorët kanë ekzaminuar dy lloje përgatitjesh: një grup incizivësh është përgatitur duke mbajtur paretet vestibulare dhe palatale paralele midis tyre ndërsa një grup i dytë elementesh dentare analoge është përgatitur me parete palatale dhe vestibulare konvergjente me një kënd prej rreth 20°.
Përgatitjet e përftuara më pas janë veshur nga manifaktura protetike në qeramikë dhe manifaktura të tilla janë karikuar me forca shtypëse dhe elastike, këto të fundit të ushtruara për të verifikuar kapacitetit mbajtës të përftueshëm me dy llojet e ndryshme të përgatitjeve.
Rezultatet, për sa i përket forcës mbajtëse, kanë qenë në favor të grupit në të cilin përgatitja ishte kryer me paretet paralele ndërsa, në të kundërt, rezistenca me ngarkesë kompleksive ka qenë në favor të grupit në të cilin përgatitjet ishin kryer me parete konvergjente.

Konkluzione: përgatitja gjithmonë ka përcaktuar sjellje të ndryshme mekanike në manifakturat protetike, provat e këtij studimi nxjerrin në pah disa aspekte që klinikisht mund të rezultojnë interesante. Pra rezervohet tipologji përgatitje paralele, në ato raste në të cilat rezistenca ndaj ngarkesës okluzale nuk është domethënëse, ndërkohë që mund të parashikojmë përgatitje me parete konvergjente për ata pacientë në të cilët forcat përtypëse mund të stimulojnë elementet dentare anteriore në mënyrë domethënëse.

Nën kujdesin e: Massimo Gagliani, Koordinator Shkencor fusha Stomatologjike Grupi EDRA

Për më tepër:
In vitro assessment of retention and resistance failure loads of two preparation designs for maxillary anterior teeth. Aimilia Bintivanou, DDS, MS, Argirios Pissiotis, DDS, MS, PhD, Konstantinos Michalakis, DDS, MSc, PhD April 2017Volume 117, Issue 4, Pages 517-523 The Journal of Prosthetic Dentistry

Përktheu: Erjola Taga