|

Cemente të dyfishta të aplikuara në materiale të ndryshme restaurimi: cilin lloj polimerizimi të zgjedhim?

Cementet e dyfishta karakterizohen nga prania e një komponenti autopolimerizues dhe nga një fotopolimerizues. Reaksioni i kapjes fillon pas përzierjes së pastës dhe katalizatorit por duhet kompletuar nëpërmjet përdorimit të llambës. Polimerizimi i cementit nuk varet vetëm nga faktorë të tillë por dhe nga lloji i materialit të restaurimit ndaj të cilit aplikohet.

Studimi Polymarization Mode of Self-Adhesive, Dual-Cured Dental Resin Cements Light Cured Through Various Restorative Materials i Shim et al. ka hetuar shkallën e konvertimit të cementeve të dyfishta, të polimerizuara vetëm me auto-aktivizim ose foto-aktivizim, në kohën 0 të aplikimit dhe pas 5, 10, 15 minutash dhe 2 javësh nga fillimi i polimerizimit.

Cementet e dyfishta vetëm me modalitetin e auto-aktivizimit janë aplikuar në kurora në metal qeramikë; ato me fotopolimerizim janë aplikuar në kurora me zirkon dhe disilikat litiumi.

Çdo grup përbëhej nga 6 kurora. Në restaurime të tilla janë aplikuar cementet e mëposhtme të dyfishta: G-CEM LinkAce (GC America Inc, Alsip), Maxcem Elite (Kerr Corporation, Orange, CA) dhe BisCem (Bisco, Inc. Schaumburg, IL). Shkalla e konvertimit të cementit (DC) është vlerësuar me një spektroskopi me rreze infra të kuqe.

Rezultatet e përftuara nga studimi janë raportuar në tabelën e mëposhtme:

Kjo tregon se:
• të gjitha cementet e aplikuara vazhdonin polimerizimin e tyre pas 2 javësh (vlerat e DC ishin më të mëdha krahasuar me matjet e tjera);
• cementet e dyfishta foto-aktive kanë vlera më të larta se ato auto-aktive
• shkalla më e mirë e konvertimit të cementit të dyfishtë garantohet kur ajo i është aplikuar disilikatit të litiumit;
• ndër cementet e marra në testim, BisCem është ajo që ka regjistruar rezultate më të mira, ndjekur nga Maxcem Elite dhe në fund G-Cem LinkAce.

Prandaj për të garantuar një shkallë më të mirë konvertimi të cementit të dyfishtë, duhet t'a aktivizosh nëpërmjet llambës polimerizuese dhe t'a aplikosh në restaurime me disilikat litiumi.

Nën kujdesin e: Simona Chirico, stomatologe
 
Për më tepër:
Polymerization Mode of Self-Adhesive, Dual-Cured Dental Resin Cements Light Cured Through Various Restorative Materials. Shim, Khang, Jha, Ryu. Journal of Esthetic and Restorative Dentistry 2017

Për të votuar duhet të vendosni kredencialet tuaja në Medikey

Interesant ( 80 votim / mesatar 3 )