Trajtimi i debridement periodontal me instrumente mekanike magnetostriktive. Rasti klinik

Pacientja 60 vjeçare, obeze, jo duhanpirëse, e prekur nga hipertensioni dhe artroza, paraqiste mbetje të mëdha të pllakës bakteriale dhe tartarit në të gjithë sipërfaqet dhe referonte hiperndjeshmëri të konsiderueshme të dentinës.
Zonja u paraqit pranë nesh me udhëzim të stomatologut me kushte të shëndetit oral të kompromentuara dhe higjienë të keqe orale. Diagnoza e stomatologut tregonte sëmundje periodontale të moderuar, karakterizuar nga gjakrrjedhje spontane që është shfaqur gjatë futjes së hapëses së gojës për realizimin e fotove.
Është kryer një seancë për higjienën orale profesionale lidhur me motivin dhe udhëzimet e personalizuara duke negociuar për një ndërrim radikal që lidhej me mënyrat dhe kohën e higjienës orale në shtëpi. Furça e dhëmbëve manuale është zëvendësuar nga furça elektrike për të garantuar një pastrim më të kujdesshëm dhe preciz. Janë këshilluar shpëlarje me kolutor me bazë të kloheksidinës 0.12% për 10 ditë, dy herë në ditë për të reduktuar ngarkesën bakteriale.

Për praninë e hiperndjeshmërisë pas testin objektiv është aplikuar pasta për profilaksinë për uljen e ndjeshmërisë Nupro Sensodyne në vijim të së cilës është bërë e mundur kryerja e trajtimit të debridement periodontal me instrumente mekanike magnetostriktive dhe inlay FSI 1000-30k, të këshilluar për heqjen e njollave dhe mbetjeve të mëdha të tartarit supragingival. Për të hequr tartarin subgingival në zona me akses të vështirë me xhepa të thellë dhe furkacione janë përdorur inlays Slimline. Heqja e njollave është kryer me pastë me abrazion mesatar dhe për të reduktuar hiperndjeshmërinë pas trajtimit është aplikuar një lustrues me 5% fluorur natriumi.
Pacientja është ritrajtuar pas 3 ditësh. Në kontrollin në distancë prej një jave dukeshin përmirësimet e treguesve të pllakës dhe gjakrrjedhjes përveç reduktimit të edemës dhe rikrijimit të arkitekturës normale gingivale.
Materiale dhe Metoda
Pacientja është trajtuar me:
• Skaler magnetostriktiv Cavitron Select SPS
• Powerline fitgrip për të hequr mbetjet e mëdha supragingivale të tartarit
• Slimline për të hequr mbetjet subgingivale
• Slimline fitgrip curvy për zonat e formimit
• Pastë profilaktike për uljen e ndjeshmërisë me abrazion mesatar
• Lustrues me fluorur natriumi

Diskutime dhe Konkluzione
Përdorimi parandalues i pastës për uljen e ndjeshmërisë ka garantuar një seancë më pak traumatike për pacienten pavarësisht mbetjeve të konsiderueshme të tartarit dhe ndjeshmërisë së fortë dentare qe i referohet fillimit.
Përdorimi i skaler me ultratinguj magnetostriktive ka mundësuar që të punojmë me pajtueshmëri më të madhe dhe me një perceptim të reduktuar të dhimbjes. Pacientja është ritrajtuar pas 3 ditësh dhe pas një jave shfaqte përmirësime të indeksit të pllakës bakteriale, gjakrrjedhjes dhe reduktim të ndjeshëm të edemës gingivale me rifitim të arkitekturës normale gingivale.
Përdorimi parandalues i pastës për uljen e ndjeshmërisë me bazë të natriumit dhe fosfosilikatit të kalciumit që lidhet me përdorimin e inlays magnetostriktive pajisur me lëvizje elektrike me vibracion të reduktuar të majës kanë garantuar komfortin e pacientit pavarësisht pranisë së mbetjeve të konsiderueshme të tartarit dhe ndjeshmërisë së konsiderueshme të dentinës.

Fig. 1 Kjo është situata në testin objektiv. Ka shumë mbetje të tartarit dhe pllakës bakteriale. Gingivat janë edematoze dhe me tendencë për gjakrrjedhje.

Fig. 2 Pas një testi të parë objektiv është aplikuar pasta me profilaksi për uljen e ndjeshmërisë NUPRO SENSODYNE

Fig. 3 Trajtimi i debridment periodontal është kryer me instrumente mekanike magnetostriktive me inlay FSI 1000-30k, këshilluar për heqjen e njollave dhe të mbetjeve të mëdha të tartarit rezistent.

Fig. 4 Në vijim në zonat e formimit, jo lehtësisht të aksesueshme është përdorur inlay Cavitron FSI-slimline 30k

Fig. 5 Për të garantuar heqjen e njollave është përdorur një pastë me abrazion mesatar.

Fig. 6 Për të garantuar një lehtësim të hiperndjeshmërisë pas trajtimit është përdorur lustruesi me 5% fluorur natriumi dhe më pas i është kërkuar pacientes që të mos e shpëlajë.

Fig. 7 Kjo është situata në fund të trajtimit. Pacientja ka marrë informacione rreth higjienës orale: është rekomanduar përdorimi i furçës elektrike me një kokë rrethore për të bërë më të lehtë pastrimin në zonat më të vështira dhe më pak të aksesueshme

Fig. 8 Pacientja është ritrajtuar pas 3 ditësh. Gjakrrjedhja ishte reduktuar në mënyrë të konsiderueshme dhe gingivat shfaqeshin shumë më pak edematoze.

Fig. 9 Pacientja është vizituar sërish pas një jave. Gjakrrjedhja mungonte dhe gingivat ishin të shëndetshme dhe ndjeshmëria ishte reduktuar në mënyrë të konsiderueshme

Punimi ka fituar Cavitron Case Contest, konkursi universitar që Dentsply Sirona organizon me objektivin për të vlerësuar rastet më të mira klinike nga studentët e vitit II dhe III të kursit të Diplomimit në Higjienë Dentare me skaler me ultratinguj Cavitron dhe produktet e linjës së Parandalimit.

Përktheu: Erjola Taga