Molari i tretë mandibular dhe nervi alveolar inferior: rast klinik i përpunimit me një softuer

Hyrje
Ekstraktimi i molarit të tretë inferior është shkaku primar i ndryshimeve të ndjeshme dhe të përhershme të nervit alveolar inferior (IAN) dhe incidenca e tij është më e zakonshme se vendosja e implanteve dhe operacioneve ortognatike. Kuptimi i mekanizmave të mundshëm që çojnë në një dëmtim të nervit, rekomandohet më pas për të reduktuar këtë dukuri.
Pozicioni i nervit mandibular duhet hetuar para operacionit me përdorimin e teknikave radiografike të imaging dhe softuerëve për përpunimin e imaging. Pozicionimi i kanalit IAN krahasuar me rrënjët e molarit të tretë mund të klasifikohet në: lingual, inter-radikular, bukal ose inferior dhe vetëm në shumë pak raste është në kontakt direkt midis nervit dhe dhëmbit pa ind kockor. Qëllimi i këtij studimi ishte që të propozonim dobinë e përpunimit imaging me një softuer dixhital për të vlerësuar pozicionin e molarit të tretë inferior dhe IAN dhe të tregojmë se si programi mund të influencojë pozitivisht në praninë e trajtimit.

Materiale dhe metoda
Për këtë studim, u përzgjodh rasti i një pacienteje femër 46 vjeç, që kërkon vlerësimin e molarit të tretë inferior në të majtë. Grafia orto-panoramike me rreze x, tregon një marrëdhënie të ngushtë midis molarit të tretë dhe IAN. U kërkua një Skanim Dentar CBCT me imazhe DICOM dhe file-t DICOM më pas u përpunuan me softuerin Nobel Clinical, i cili mundëson një analizë të saktë të marrëdhënies midis rrënjës dhe kanalit mandibular. Përmes përfitimit të imazheve DICOM dhe përpunimit me softuer, u bë i mundur përftimi i rikonstruksionit në 3D i njësisë anatomike dhe u kuptua më mirë marrëdhënia e IAN me molarin e tretë.

Rezultate
Në këtë rast klinik përpunimi me softuer mundësoi rikonstruksionin në 3D, duke treguar se dhëmbi kishte tre rrënjë të ndërfutura në rajonin e apeksit dhe nervi kalon ndërmjet rrënjëve, nga ajo distale në atë meziale, duke shfaqur një marrëdhënie të ngushtë me to. Avantazhet e kësaj analize nga softueri përfshijnë mundësinë për të markuar rrugën e nervit, për të matur distancat dhe këndet dhe për të prodhuar një rikonstruksion në 3D.

Konkluzione
Marrëdhënia midis molarit të tretë dhe IAN është vendimtare gjatë ekstraktimit të molarit të tretë. Gjatë operacionit, IAN mund të dëmtohet si pasojë e instrumenteve kirurgjikale dhe/apo tërheqjes së dhëmbit. Afërsia anatomike midis molarit të tretë dhe IAN mund të shqyrtohet para operacionit me teknikat e duhura radiografike për të shmangur apo reduktuar dëmtimet e IAN. Përdorimi i CBCT në bashkëpunim me përpunimin e imaging nga softueri mund të ofrojë informacion të vlefshëm shtesë për fazën diagnostikuese e cila mund të minimizojë në mënyrë domethënëse riskun për dëmtime. Vlera e shtuar e këtij përpunimi dixhital na mundëson që të kuptojmë më lehtë dhe më shpejt vlerësimin e raportit risk - përfitim.

Domethënia klinike
Ekstraktimi i molarit të tretë inferior është shkaku primar për ndryshime të ndjeshme dhe të përhershme të nervit alveolar inferior (IAN). Pozicioni i nervit mandibular duhet të studiohet para operacionit me përdorimin e teknikave radiografike të imaging. Megjithatë përdorimi shtesë i përpunimit të imaging me softuer, mundëson një rikonstruksion në 3D të njësisë anatomike duke na mundësuar një kuptim më të mirë të marrëdhënies së IAN me molarin e tretë. Vlera e shtuar e përpunimit dixhital bën që të kuptojmë më thjeshtë dhe më shpejt vlerësimin e raportit risk - përfitim.

Materialin e plotë origjinal mund ta gjeni duke klikuar këtu.

Përktheu: Erjola Taga