Miratimi nga AIFA për përdorimin stomatologjik të toksinës botulinum për bruksizmin dhe "gummy smile"

"Nuk ka asnjë kufizim për përdorimin nga ana e stomatologut për Toksinën Botulinum për trajtimin e bruksizmit dhe "gummy smile" në klinikën e tij". Këtë afirmon Agjencia Italiane e Barnave në një shënim të 7 Shkurtit në përgjigje të kërkesës së shoqatave shkencore SIMEO dhe POIESIS, duke vijuar me shoqatat ANDI, AIO, ADI dhe mbështetur nga një dokumentacion voluminoz shkencor.

Sipas shoqatave kërkuese, përgjigja është ezauruese dhe qartësuese dhe për disa aspekte "përfundimtare" pas shënimit të Agjencisë që në 2017 - me kërkesën specifike të SIMEO, POIESIS, ANDI dhe AIO - autorizonte stomatologun që të përdorte Toksinën Botulinum dhe në klinikën e tij private, për trajtimin e spazmave semi-faciale dhe të distonive faciale që lidhen me të.

SIMEO-POIESIS-ANDI-AIO-ADI-SUSO-SIOF-CAMI riafirmojnë në mënyrë unanime "se çdo gjë që ka të bëjë me terapitë për qëllime estetike të indeve të forta apo të buta të nofullave është pjesë integrale e mjekësisë stomatologjike".

Pozicioni është ripohuar dhe në fund të Janarit në Romë nga një përfaqësim domethënës i shoqatave dhe sindikatave të botës stomatologjike gjatë një tryeze të rrumbullakët të organizuar në Kongresin SIMEO "Fytyra dhe Buzëqeshja, sinergji profesionale", moderne nga Presidenti SIMEO profesor Antonio Guida, të pranishëm prof. Marco Scarpelli (odontolog forenzik që përfaqëson ANDI), dr. Ezio Costa (ish president POIESIS), dr. Pietro di Michele (president SUSO dhe ish president SIOF), avokate Laila Perciballi (Lëvizja e Konsumatorëve Roma Kryeqytet), prof. Antonio Scarano (Universiteti i Chieti), doktoresha Milvia Di Gioia (presidente e POIESIS), dr. Giovanni Migliano (president AIO prov. Roma, që përfaqëson AIO nacionale), doktoresha Paola Manelli (presidente CAMIG).
Nga tryeza e rrumbullakët, informojnë organizatorët, është kujtuar se "sipas ligjit 409/85, stomatologu dhe mjeku i ngarkuar me diagnozën dhe terapinë e sëmundjeve dhe anomalive kongjenitale dhe të fituara të dhëmbëve, gojës, nofullave dhe indeve që lidhen me to dhe natyra mjekësore e aktivitetit të saj diagnostikues dhe terapeutik është konfirmuar, që në 2014, në një shënim të Komisionit të Urdhrit të Stomatologëve të Federatës së Urdhrave të mjekëve kirurgë dhe Stomatologë sipas të cilave i diplomuari në stomatologji mund të përkufizohet patjetër Mjek Stomatolog".

Një pozicion i tillë, kujtojnë organizatorët, "është implementuar edhe nga kompanitë e sigurimeve në konventat e rezervuara nga Shoqatat e të asociuarve që tashmë parashikojnë mbulimin për kryerjen e terapive estetike jo kirurgjikale në indet e buta të një të tretës së mesme dhe inferiore të fytyrës".
Me kërkesë të pjesëmarrësve në tryezën e rrumbullakët, profesor Antonio Scarano do të promovojë kërkesën në Universitete për të futur mësimin e Estetikës së Indeve të buta periorale në programin e studimit të kursit të diplomimit magjistral në Stomatologji dhe Proteza Dentare. Një kërkesë e tillë ishte dorëzuar më parë në Ministrinë e Arsimit, në precedencë nga shoqatat SIMEO, POIESIS, ANDI, AIO, ADI dhe nga Lëvizja Konsumatore.

Përktheu: Erjola Taga